Diyarname

"UEFA Women’s Euro 2002" ku îsal li Îngilistanê li dar dikeve maçên koman hatin lîstin û tîmên ku derketin çarîk fînalê diyar bûn.

Tûrnûvaya Fûtbola Jinan a Euro 2022 îsal 6’ê vê mehê dest pê kir û heta 31’ê mehê dê bidome. 16 tîmên di komên A, B, C û D de bi hev re lîstin, maçên xwe yên koman temam kirin û her du tîmên di komên xwe de bûn yekemîn û duyemîn derketin çarîk fînalê. Maçên herî dawîn îşev di Koma D de bûn. Tîmên neteweyî yên fûtbola jinan ên Fransa û Îzlanda bi 1-1 wekhev man, Belçîkayê jî Îtalya bi 1-0’ê têk bir. Bi vê yekê Fransa wekî yekemînê komê, Belçîka wekî duyemîn derbasî çarîk fînalê bû. Belçîka di dîroka xwe de yekem car diçe çarîk fînalê.

TÎMÊN JI KOMAN DERKETIN
Di maçên koman de di KOMA A de Îngilistan, Îrlandaya Bakur, Norwec û Avusturya hebûn. Îngilistan bi 9 pûanan bû yekemîn û Avusturya bi 6 pûanan bû duyemîn û bilêtê çarîk girt.

Di KOMA B de tîmên Danîmarka, Fînlandiya, Almanya û Spanya hebûn. Almanya bi 9 pûanan bû yekemîn, Spanya bi 6 pûanan bû duyemîn.

Di KOMA C de Hollanda, Portekîz, Swêd û Swîsre hebûn. Swêd bi 7 pûanan yekemînî bi destd xist, dûre Hollanda  jî bi heman pûanî karî derbasê çarîk fînalê bibe.

Di KOMA D de Belçîka, Fransa, Îzlanda û Îtalya hebûn. Fransa û Belçîkayê bilêtên xwe girtin.

REWŞA ÇARÎK FÎNALÊ

Di çarîk fînalê de tablo û rojên lîstina maçan jî diyar bû. Li gor bernameyê rewş bi vî rengî çêbû:

20’ê mehê:

- Îngilistan û Spanya

21’ê mehê:

- Almanya - Avusturya

22’ê mehê:

- Swêd - Belçîka

23’yê mehê:

- Fransa - Hollanda

Tîmên bi ser bikevin dê derbasî nîv fînalê bibin. Maçên nîv fînalê 26 û 27’ê mehê têne lîstin. Maça fînalê jî 31’ê mehê.

Li gor saeta Amedê maç saet 22.00’yan de têne lîstin. Li Tirkiyeyê TRT Spor maçan yekser  belav dike.

Nûçeya Eleqedar:

- Tûrnûvaya Fûtbolê ya Jinan a UEFA’yê dest pê kir