Diyarname

Şaxên Egîtîm-Sen ên Amedê ji bo bîranîna Abdullah Duran pêşbaziya çîrokan li dar dixin. Îsal jî pêşbaziyê dest pê kir û yên bixwazin heta 31'ê berfanbara 2022'yan dikarin berhemên xwe bişînin ber destên amadekaran.

Abdullah Duran zarokekî kurd bû ku hê diçû dibistana seretayî, di bûyerên Amedê de, roja 28'ê adara 2006'an bi guleya polîsan canê xwe ji dest da. Ji bo bîranîna Duran, Egitîm-Senên Amedê her sal pêşbaziya çîrokan li dar dixin. Pêşbaziyê îsal jî dest pê kir û li benda berheman e.

13'emîn Pêşbaziya Çîrokan a Abdullah Duran ku îsal jî dest pê kir zimanê wê kurdî (kurmancî û kirmanckî) û tirkî ye. Yên bixwazin heta roja dawî ya îsal dikarin berhemên xwe bîşînin ber destên şaxên yekem û duyem ên Egîtîm Sena Amedê.

Çîrokên bêne şandin divê berê li cihek nehatibin weşandin. Encamên pêşbaziyê dê roja 17'ê adara 2023'yan bêne eşkere kirin û merasima xelatdayînê jî roja 25'ê adara 2023'yan dê li dar bikeve. Îsal ji bo xelata yekemînî 2500, duyemînî 2000 û ji bo sêyemînê jî dê 1500 TL xelat bê dayîn. Her wiha berhema çaremîn jî dê bi mansiyonê bê xelatkirin.

Ji bo têkilî:

abdullahduranoyku@hotmail.com

0412 223 2754 - 0412 2576787