Diyarname

Ji bo zarokên di navbera 3-6 salî de 6 pirtûk ji bo kurdî hatin wergerandin û hatin çapkirin. Pirtûkên ku wekî seta bi navê “Dilşa” hatiye amadekirin ji Weşanxaneya Nûbiharê derket.

Seda Dilşayê ji almanî hatine wergerandin. Ev seta ku wekî serpêhatiya Conni jî tê zanîn heta niha ji bo gelek zimanan hatiye wergenadin û bûye mijara karton fîlm û fîlmên sînemayê jî. Di wergerê de navê Dilşa hatiye tercih kirin e û di her pirtûkê beşek karaktera sereke tiştek dike. Sed di bin van sernavan de hatiye çapkirin: “Dilşa hînî ajotina biskilêtê dibe”, “Dilşa diçe bexçeyê heywanan”, “Dilşa futbolê dilîze”, “Dilşa li nexweşxaneyê ye”, “Dilşa winda dibe”, “Dilşa dest bi dibistanê dike”.

Pedagog û zimannas Dr. Abdullah Încekan edîtoriya sedê kiriye û di heman demê de pirtûkek wî bi xwe jî wergera wê kiriye. Încekan li ser setê wisa dibêje: “Bi amadekirina van kitêban min xwest bibim alîkarê zarokên me, yên 3 hetanî 6 salî. Lewra zarokên me pêşeroja me ne û divê em bi zimanê xwe bingeha kesayetiya wan daynin. Em kurd zêdetir mihtacî vî tiştî ne, ji ber ku bi zimanê me perwerdeya zarokên me tune.”

Încekan dixwaze ew 94 pirtûkên din ên vê setê jî wergerînin û bang dike ku xwendevan bibin alîkar, van pirtûka belav bikin û bidin nasîn. Ji 6 pirtûkên setê 3 jê Abdullah Încekan, didu jê Selman Dilovan û ya din jî Asli Kaya wergerandiye.

Pirtûkên setê tevî wergerên wan bi vî rengî ne:

- Dilşa hînî ajotina biskilêtê dibe Nivîskar: Liena Schneider / Wêne: Eva Wenzel-Burger / Werger: Abdullah Încekan

- Dilşa diçe bexçeyê heywanan Nivîskar: Liena Schneider / Wêne: Eva Wenzel-Burger / Werger: Selman Dilovan

- Dilşa futbolê dilîze Nivîskar: Liena Schneider / Wêne: Eva Wenzel-Burger / Werger: Selman Dilovan

- Dilşa li nexweşxaneyê ye Nivîskar: Liena Schneider / Wêne: Eva Wenzel-Burger / Werger: Asli Kaya

- Dilşa wenda dibe Nivîskar: Liena Schneider / Wêne: Eva Wenzel-Burger / Werger: Abdullah Încekan

- Dilşa dest bi dibistanê dike Nivîskar: Liena Schneider / Wêne: Eva Wenzel-Burger / Werger: Abdullah Încekan