(Ev nûçe her tê nûkirin)

02.30: AA: HDP'ê Îdir girt
Ev du saet bû ku AA'yê (Ajansa Anadolu) agahî belav nedikir. Lê her Îdir wekî ku MHP'ê girtiye dihat nîşan dayîn, niha AA'yê HDP derxist pêş. HDP'ê bi sedî 50 Îdir girt.  

02.25

İmamoglu: Bi 29 hezar ferqê me Stenbol girt

Berendamê "Îtîfaqa Miletê" yê Stenbolê Ekrem Îmamoglu derket pêşberî kamerayran û got ku ev 2 saet û nîv e AA (Ajansa Anadolu) agahiyan naweşîne lê agahî di destê me de ne. Îmamoglu wisa got: "Heta niha ji 31 hezar û 186 sindoqa 30 hezar û 86 sindoq hatine jimartin. Encam di destên me de ne. Tenê 100 sindoq mane. Ferqa ku em li pêş in  29 hezar û 408 e. Bi giştî me 4.155.966 deng girtine, reqîbê me 4.126,558 deng girtine. Ew sindoq bêne vekirin jî ne mimkûn e ev ferq bê girtin loma me Stenbol bi dest xist. Pêvajo dewam dike bila hevalên me yên li lijneyên hilbijartinê yên navçeyan belav nebin, xwedî li sindoqan derkevin." 

23.45
YSK'ê malpera xwe girt

Malpera Lijneya Bilind a Hilbijartinê (YSK) ku her kesî dikarî bikevê, daneyên li ber dest bide be hev û li daneyên din ên hilbijartinê binêre girt. Dema mirov dikare malpera YSK'ê beşa "Encamê" wisa dibêje: "Encamên sindoqan û encamên ji ser sindoqan hatine girtin piştî ku di Rojnameya Fermî de bê eşkere kirin dê YSK ji bo her kesî veke."

22.40

Ayhan: Di vê pêşbaziyê de Qers bi ser ket

Berendamên HDP'ê yê Qersê Ayhan Bilgen serketina xwe ragihand, daxuyanî û got: "Bi kurd, tirk, azerî, tirkmen em hemû bi hev re bi ser ketin. Ji destpêka xebata hilbijartinê ve me got dê Qers bi ser bikeve, Qers bi ser ket. Em hemû bi hev re bi ser ketin, wekî ku em hemû bi ser bikevin em pîroz dikin. Heta niha kî cudaxwazî kiribe, kî cudakarî kiribe bila bik. Emê kesê cuda nekin, tiştê ku li me tê emê bikin. Kesên ku di dema hilbijartinê de buxt û derew li me kirine divê em wan bidin şermê. Ev pêşbaziyek bû Qers bi ser ket, em hemû bi hev re bi ser ketin."

22.00
Li Amedê navçeyên Amedê ku HDP'ê bi dest xistin derket 15'an. Li gor vê tenê 2 navçe winda kirine. 

Saet 21.00 

Rewşa hin navçeyan

Li Amedê ji bilî Çingûş û Çêrmûgê li 14 navçeyên din HDP bi ser ketiye. 

Hin navçeyên mezin û girîng ên din jî: li Sêrtê Misirc cara din ketibû destê AKP'ê, ew carek din vegeriya. 

Saet 20.30

Li gor vê saetê li Sêrtê HDP'ê sedî 50 derbas kir. Em êdî dikarin bibêjin Sêrt jî diyar bû. 

20.00
Li Wan, Îdir, Mêrdînê HDP li pêş e. Lê ji bo serketinê hê zû ye. Li Amed, Culemêrg û Batmanê HDP bi ser ketiye.

20.00
Li gor vê saetê ji bajarên mezin ên Tirkiyeyê li Enqereyê Mansur Yavaş li pêş e: Sedî 49, AKP sedî 48... Li Stenbolê AKP Bi sedî 50, CHP sedî 48 dixuye. Lê hê gelek deng nehatine vekirin. Li Îzmîrê CHP bi ferqek mezin li pêş e.

19.15

Qedexe rabû. Li Amed, Culemêrg, Batmanê pirsgirêk nîn e, HDP bi ser ketiye. 

Ji navçeyan li Erzeromê li navçeyên Qereyazî û Qereqoçan HDP bi ser ket. 

YKS': Saet 19.15'ann de qedexe ji holê radibe. Piştê vê saetê êdî dê belavkirina agahiyan serbest be.

17.00
Dengdan bi dawî bû
Saet bi 17.00 ra li temamê Tirkiyeyê dengdayîn temam bû. Niha peywirdarên sindoqan dest bi jimartina dengan kirin. 

16.00
Bajarê kurdan û henî bajaranê Tirkiye de ke saet  07.00 de vengdayîn dest pa kerd bî, vengdan temam bî. Ewca peywirdaranê sindoqan dest bi mardişê vengan kerd. 

15.00

Li Hênê heyet hat binçavkirin

Li navçeya Hênê ya Amedê heyeta çavdêr ku ji Ewropayê hatibû hat binçavkirin. Endamên heyetê yên îtalyan Sonia Helene Rosset û Noemi Colombo birin Emniyeta Navçeyê. Heyet piştî saetek hat berdan. (Ev not paşê lê hat zêdekirin)

14.00

Li Stenbolê li ser navê “Îtîfaqa Milletê” Ekrem Îmamiglu, li ser navê “Îtîfaqa Komararê” Bianali Yildirim berendam e. Ji serê sibê de gel qefle bi qefle diçe deng dide, eleqeyeke gelek mezin ji bo hilbijartinê heye. 

12.20
Kayapinarê Amedî de kewtî pê: 2 birîndarî est ê

Kayapinarê Amedî de qeybî moxtarî henî kewtî pê. Di pêkewtişt de jo tera bi giranî 2 tenî birîndar bî. Birîndarî berdî nêweşxane.

Li Qulpê cerdevanan êrîşê HDP'yiyan kir

Li gundê Xweşika a girêdayî Qulpa Amedê cerdevanan êrîşê parêzer Eyyup Aydeniz, endamê HDP’ê Fırat Akdeniz, Suat Ozuürk û Mehmet Emin Ay kir. (MA)

Li Puturgeya Meletî bav û kur, du peywirdarên sindoqan ên li ser navê Partiya Seadetê ji aliyê berendamê AKP'ê ve hatin kuştin.Bûyer li Dibistana Taxa Bolunmez a Puturgeyê saet li dor 10.30 de çêbû. Di navbera du aliyan de xirecir derket û paşê veguherî pevçûnê. Di pevçûnê de Hasan Aktaş û Îlyas Aktaş bi guleyên demançeyê hatin kuştin. Hat gotin ku di bûyerê de du kes hatin girtin, lê navên wan hê eşkere nebûye.

11.00

Demîrtaş: Deng bidin û xwedî lê derên

Hevserokê HDP'ê yê berê Selahattin Demîrtaş ji ser twittera xwe re peyam weşand: "Merheba, hûn çawa nin? Em diçin cem sindoqan ne? Ji kerema xwe re miheqeq em dengê xwe bidin û heta jimartina bidome em xwedî li sindoqan derên. Êvarê em bi hev re li encamên xweş temaşe bikin. 

Cem Yilmaz: 'Ma go bi ser bikoy'

Komedyen Cem Yilmaz Dibistanê Lutfi Banat ê li Beşîktaşê Stenbolê de verê sindoqey bi nimra 1254 de vengê xo da û vat: "Ma go bi ser bikoy."

Buldan: Ezê ji Amedê li çûyîna kayûman temaşe bikim

Hevseroka HDP'ê Pervin Buldan li Bakirkoya Stenbolê li Dibistana Seretayî ya Murat Koluk deng da û got: "Ezê ji vir herim AMedê. Ji Amedê li çûyîna kayûman bi zewqek mezin temaşe bikim."

Buldan li ser pêvajoya hilbijartinê got: "Em demek giran li dû xwe hişt. Me her tişt kir. Ji bo pêşeroja Tirkiyeyê, ji bo sibeya Tirkiyeyê me gelek tişt got. Lê tu kanaleke televîzyonê xebatên me neweşand û di vî warî de astengî hebûn. Dibe ku hevdîtina me ya ligel gel nedabin lê em dixwazim bibêjim me gelek xebat kir. Her roj ji qadan derew li HDP'ê kirin, li hemberî van me ji bo gelê xwe qala meseleyê kir. Me îro peywira xwe anî cih. Ez bawerim gelê me jî dê li sindoqê peywira xwe bîne cih. Min niha dengê xwe da. Ezê raste rast herim Amedê. J iber ku ezê ji Amedê bi zewqek mezin li çûyîna kayûman temaşe bikim." 

09.30
Bilgen: Li Qersê em bi hev re bixebitin

Berendamên HDP'ê yê Şaredariya Qersê Ayhan Bilgen li Dibistana Haydar Aliyev li cem sindoqa bi nimreya 1146'an deng da û got: "Vîna ku ji sindoqê derê divê hurmet ji bo wê bê nîşandayîn. Ev yek rêgeza bingehîn a demokrasiyê ye. Me kampanyayek girîng li dar xist. Em hêvî dikin ev hilbijartin di nav hizûr û aramiyê de bi dawî bibe. Emê qet ji ser xwe neçin û emê bibêjin yê bi ser ket gelê Qersê ye. Encam çi dibe bila bibe ji bo bajarê me em bang dikin ku bi hev re bajar bi rê ve bibin." 

Li Xelfetî polîs bê belge deng didin

Li taxa Hîlaliye ya Xelfetiya Rihayê polîsên ku ji bajarên wekî Mêrsîn, Edene, Antalya û Konya anine bajêr bêyî belgeyên wan hebin li sindoqa bi nimreya 142'yan deng dan.

Dîsa li sindoqên bi nimreya 1049 û 1050 de bi awayekî eşkere deng hat bikaranîn. Peywirdarên sindoqan ên li ser navê HDP'ê mudexele kir, xirecir di navbera wan, peywirdarên AKP û polîsan de derket. Parêzerên li ser navê HDP'ê jî mudexele kirin. 

09.00

Li Bismilê leşkeran xwest dengan ji dêvla gel bikar bînin

li gundê Koperî yê navçeya Bismilê, fermandarê qereqolê “dengên vekirî” li gundiyan ferz kir, gef li gundiyan xwar û got: “Hûn ê dengê xwe tenê bidin cihekî. An jê ez ê ji dêvla we rengên we bi kar bînim.” 

Şêniyekî gund û peywirdarê sindoqa gund ku ji ber ewlehiyê nexwest navê wî bê eşkerekirin ev agahî da. (MA)

08.50
Li Mêrdîn û Şirnexê vê sibê baraneke gur dibare. Ligel vê yekê jî gel ber bi sindoqên dengdanê ve diherike.

Partiyên ku beşdarî hilbijartinê bûne

AKP,  BTP, BBP, CHP, DP, DSP,  HDP, İYİ Parti, MHP, SP, TKP,  VP beşdarî hilbijartinê dibin.

AKP û MHP'ê bi nave "Îtîfaqa Komarê" li hev kirine û li piraniya bajaran li ser navê AKP'ê, li hin bajaran jî li ser navê MHP'ê berendam nîşan dane.

CHP û Îyî Partî jî li ser navê "Îtîfaqa Gel" li hev kirine, li piraniya bajaran CHP'ê, li hin bajaran Îyî Partî berendam nîşan daye û ew deng didin hev.

HDP'ê armanc kiriye ku li bijarên kurdan carek din bajar û navçeyan bi dest bixe, li bajarên rojavayê Tirkiyeyê jî li hin cihan berendam nîşan dane, li cihên din piştgirî dide berendamên demokrat.

Hevşaredaran deng da

Li Amedê Hevşaredarên Bajarê Mezin ê Amedê Hulya Alokmen û Selçuk Mizrakli deng dan. Mizraklik saet dor 7.30 hat Dibistana Seretayî ya Cemil Ozgur ku li lojmanên Zanîngeha Dîcleyê ye û li sindoqa bi nimreya 1152'yan deng da.

Alokmen jî li Kayapinarê, li dibistana Şehit Halit Gulser Kiz Anadolu İmam Hatip Lisesi li cem sindoqa bi nimreya 1263'yan deng da. Berendamên Kayapinara Amedê yên HDP’ê Keziban Yilmaz û Necati Pirinççioglu jî ligel Alokmen hatin û deng dan.

Li bajarên rojavayê Tirkiyeyê dengdanê dest pê kir.

07.00

Li gor biryara YSK'ê (Lijneya Bilind a Hilbijartinê) li Tirkiyeyê li bajarên wekî Semsûr, Agirî, Çewlig, Amed, Elezîz, Erzîncan, Erzerom, Entab, Bedlîs, Culemêrg, Qers, Meletî, Mereş, Mêrdîn, Mûş, Sêrt, Dêrsim, Riha, Wan, Batman, Şirnex,  Îdir, Erdexan, Artvin, Giresun, Gümüşhane, Ordu, Rize, Sivas, Trabzon, Bayburt û Kîlîsê dengdanê dest pê kir. Li van bajaran saet 16'an dê dengdan bi dawî bibe.