Diyarname
Rojnameya Rya Teze (Riya Teze) roja 25'ê adara 1930'yî dest bi weşanê kir. Îro salvegera vê rojnameyê ye.
Rojnameya Rya Teze bi sernavê "înqilaba teze li şerqê înqilaba mezin e" hatiye weşandin û hema di bin vê de bi sernavê "Şoreşa Kewçêrê û Alfabeya Teze" nivîsek dirêj nivîsandine. Pêre jî wêneyekî Lenîn bi kar anîne.
Rojnameya du hefteyan carek derdiket li ser logoyê "Poreleterên hemû dinyayê bicivin" nivîsandine.
600 HEB ÇAPKIRINE
Roja 25'ê adara 1930'yî li Erîwana Ermenistanê ku wê çaxê di bin banê YKSS (Yekîtiya Komarên Sosyalîst ên Sovyetê) de ye bi kurdî dest bi weşanê dike. Edîtorê pêşî Hraçya Koçer e. Hejmara pêşî wekî 600 heb hatiye çapkirin (4 hejmarên pêşî), paşê hejmar zêde dibe. Heta sala 1934'an edîtorên rojnameyê ermen in, di sala 1934'an de edîtorekî kurd Gerdoyê Genco bar digire ser milên xwe. Heta 1937'an bi alfabeya latînî weşana xwe didomîne û wê salê bi biryara YKSS'ê weşana wê tê rawestandin. Paşê ku dîsa dest bi weşanê dike vê carê latînî hatiye qedexekirin û ew bi kirîlî ye.
Rojane heta sala 2003'yan geh rawestiya ye, geh dom kiriye lê heta wê çaxê hat û di sala 2003'yan de weşana xwe rawestand. Heta wê kêliyê 4800 hejmarên wê hatin weşandin.
2005'an de bi piştgiriya kurdên li Ûkrayna, Kazakistan, Rusya û welatên din dijîn dîsa dest bi weşanê kir.
Di dema Sovyetê de li avahiyeke 12 qatî, nîvî qatê jêre hatibû terxankirin. Lê niha di odeyeke biçûk de dikin rojnameyê bigihînin xwendevanan.
KEDKARÊN ROJNAMEYÊ
Ji roja derketinê heta roja girtinê gelek kesî ked daye rojnameyê. Hin ji van ev in: Cerdoyê Genco, Hecîye Cindî, Egîdê Xudo, Mîroyê Esed, Emerîkê Serdar, Byûzand Tatosî, Tîtalê Efo, Tîla Muradov, Grîşayê Memê, Tîtalê Kerem.
Têbinî: Rojnameyê navê xwe wekî "Rya Teze" nivîsiye. Bi kurmanciya îro mirov dikare wekî "Riya Teze" binivîse, loma di nav kevanê de me "Riya Teze" nivîsiye.
HESABÊN DIYARNAMEYÊ:
PODCAST: podcasters.spotify.com/pod/show/diyarname
YOUTUBE: www.youtube.com/diyarnamediyarname
MALPER: www.diyarname.com
TWITTER: twitter.com/diyarname1
FACEBOOK: facebook.com/diyarname
INSTAGRAM: instagram.com/diyarname1
MAIL: diyarname@diyarname.com