Stenbol
Nivîskar û weşanger Ragip Zarakolû ku di operasyona "KCK’ê” de hat girtin, ji girtîgehê nameyekê şand û diyar kir ku binçavkirina wî parçeyek kampanyaya tirsa li ser rewşenbirên Tirkiyeyê ye. Zarakolû got ku girtina wan nîşaneya tenêhiştina gelê kurd e û bang li hemû kesên li dijî girtinan kir ku dengê xwe bilind bikin. Parêzerê Zarakolû jî li hemberî girtina Zarakolû îtîraz kir.

Nivîskar Ragip Zarakolû ku di nava 44 kesên di nav wan de Endama Meclisa BDP'ê ya Giştî Prof. Dr. Buşra Ersanli û endamê Lijneya Rêveberiya Navendî ya BDP'ê Mustafa Avci jî heye, ên di operasyona "KCK" de hatin girtin, bi rêya parêzerê xwe Ozcan Kiliç ji girtîgehê nameyek şand. Zarakolû, diyar kir ku binçavkirin û sûcdarkirina wî a 'endamê rêxistineyê' parçeyek kampanyaya rewşenbîrên Tirkiye ye û dixwazin bi van girtinan tirsê zêde bikin û gelê kurd tenê bihêlin. Zarakolû, da zanîn ku polîsan li mala wî lêgerîn pêk anîn û hemû nivîsên wî yên têkildarî nivîskariyê wekî delîlên sûc girtin.

DELÎLÊN SÛC YÊN ZARAKOLÛ!?..

Zarakolû, anî ziman ku polîsan pirtûka Ender Ondeş ya bi navê 'Habîba' a ku serbest tê firotin, pirtûka cilda duyemîn a Dogan Ozguden ya bi navê 'Rojnamevanên bê welat', pirtûka Yuksel Genç ya bi navê 'Pevajoya aştiyê', pêşnûmaya pirtûka 'Di belgeyên Almanyayê tevkujiya ermenan', nivîsa ketina pirtûka parlamenterê CHP'ê yê berê Sirri Ozbek ya nû û pêşnûmaya pirtûka bi navê 'Xebata dîroka Ermeniyan' wekî delîl nîşan dan û kom kirin.

Zarakolû got ku diviyabû hefteya bê tevlî konferansên zanîngehên Berlîn, Amerîka Colgate, Los Angeles û Mîchîgan pêk tê bibe. Divê hikumet bersîva van yekan bide. Zarakolû, da zanîn ku polîsan kartên wî yên bankayê û kartên krediyê desteser kirin û xwest bala raya giştî bikişînê ser nediyarkirina darizandina wî ya dê kengê dest pê bike.

BANGA LI DIJÎ LÎNCA CIVAKÎ BERTEKA HEVPAR

Zarakolû, di daxuyaniya xwe de bang li her kesî kir û wiha got: "Tu pirsên îdîa dikin ku ez endamê rêxistinê me ji min pirs nekirin û tenê pirsên têkîldariya pirtûkên min weşandin û amadekariya weşanê kirin, civînên tevlî bûyî kirin. Divê her kes li dijî vê kampanyaya wekî lînca civakî didome bertekên hevpar nîşan bidin. Divê ev pêkanînên ne hiqûqî bi dawî bibin. Silav û rêz ."

Parezêrê Zarakolû Ozcan Kiliç diyar kir ku tu sedema girtina Zarakolû tune ye û ji bo ew bê berdan serî li dadgehê da.