Diyarname

Ji bo 100 saliya ji dayûkbûna rewşenbîr û welatperwerê kurd Nûredîn Zaza çalakiyek bibîranînê tê lidar xistin. Çalakî 16'ê mehê li Stockholmê li dar dikeve.

Komeleya Kurdî ya Spangayê bi hevkariya Kitêbxaneya Kurdî û bi pêşengiya Omer Şêxmûs vê çalakiya bibîranînê li dar dixe.

Di çalakiya bibîranînê de Omer Şêxmûs, Reşo Zîlan, Samî Namî, Firat Cewerî, Mehmûd Lewendî û Salih Înce dê il ser jiyan û xebatên Nûredîn Zaza biaxivin. Li gor gotina amadekaran ji Swîsreyê xanima wî Gilberte Favre Zaza, ji Qamişloyê jî Konê Reş dê bi Skype'yê tevî bîranÎnê bibe. 

Ji bilî axaftinên li ser Zaza di çalakiyê de wê helbest bêne xwendin, her wiha şano û muzîk jî hebe.

Nûredîn Zaza kî ye?

Dr. Nûredîn Zaza di sala 1919'an de li Madena Elezîzê hatiye dinê û di roja 7'ê kewçêra 1988'an de li Lozana Swîsreyê wefat kiriye. Ew nivîskar, rewşenbîrekî kurd e. Pirtûkên wî yên ku herî zêde têne zanîn "Keskesor", "Gulê", "Wekî kurdek bîranÎnên min". Zaza yek ji çîroknivîskarên girîng ê kurdan bû. Ew jî yek ji nifşê kovara Hawarê bû û di wir de gelek nivîs û çîrokên wî hatibûn weşandin. Avakarê Hawarê Celadet Elî Bedirxan ji bo Zaza gotibû. "Ew Çehovê kurdan e." 

Ji bo kesên eleqedar:

Dîrok: 16.02.2019, saet 13.00-16.00