Diyarname
Di tîmên fûtbolê de gavek girîng e ku ji tîmên xwe yên jêrîn lîstikvanan bigirin nava tîma xwe ya A. Amedsporê jî niha 9 lîstikvan ji tîma jêrîn ceribandin.

Li ser vê yekê klûba Amedsporê daxuyaniyeke niviskî belav kir û wisa got, "Di çarçoveya fikra heyeta me ya teknîkê de biryar hatiye dayîn ku rê bidin ber zarokên me. Li ser vê yekê lîstikvanên me yên di tîma me ya jêrîn de gihîştine û li tîmên din bi kirêkirinê forma li xwe dikin me ew dawetî kampê kirin. Di encamê de 9 lîstikvanên me beşdarî kampa amadehî ya Erzeromê bûn. Ji van 6 lîstikvanên me hatin hilbijartin û me ew xistin nava kampa amadehî ya li Boluyê jî."

Klûbê gotiye di çarçoveya transferê de jî wan biryar daye cih bidin lîstikvanên nêz û gotiye, "Vê demê Abdullah Tazgel ku di tîma jêrîn a Kayapinarê de gihîştibû dema berê rêveberiya wan ew nirxandibû. Bavê Abdullah di rêveberiya me de ye lê di warê hilbijartina wî de tu eleqe û bandora wî nîn e; berevajî vê ev yek ji bo Abdullah bûye dezajantaj, wê hemû heqê ku ji klûba xwe divê bigirta, dest ji wan berdaye û bi xwedîlêderketineke mezin hatiye tîma me. Dîsa bi heman gikrî me Kahraman Demirtaş jî transfer kiriye. Demirtaşê ku li Belçîkayê hatiye dinê ji herêma me ye, wî jî daxwaz û bi biryariya xwe ya ji bo lixwekirina formaya Amedê nîyşan daye."

Klûbê di dawiyê de wisa gotiye, "Amedspor bi nasnameya "Tîma gel" wê xwedî li nirxên xwe derê, bi awayekî zelal û bi rêgez rêya xwe bidomîne.