Diyarname

Enstîtuya François Mitterand "Xelata Wêrekî ya Siyasetê" da Hevserokê berê yê HDP'ê Selahattin Demîrtaş. Berdevkê Komîsyona Karên Derve yê HDP'ê Hişyar Ozsoy li ser navê Demîrtaş xelat girt.

François Mitterand di sala 1916'an de hatiye dinê û 1996'an de miriye. Di navbera salên 1981-1995'an de du serdemê Serokomarê Fransayê bû. Ew û jina wî Danielle Mitterrand wekî dostên kurdan dihatin zanîn. Li ser navê Mitterand enstîtuyeke li Fransayê bi nave Enstîtuya François Mitterand hatibû vekirin û bi salan e kar dike. Wê enstîtuyê îsal dest bi dayîna xelateke nû kir ku navê "Xelata Wêrekî ya Siyasetê" lêkirin. Saziyê 10'ê vê mehê ragihand ku îsal vê xelatê didin Demîrtaş.

Ji bo vê yeKê roja 12'yê mehê li Parîsê merasimek li dar ket û li ser navê Demîntaş, Berdevkê Komîsyona Karên Derve yê HDP'ê Hişyar Ozsoy beşdarî merasimê bû û xelat girt.

'EV XELAT JI BO PIŞTGIRIYÊ YE'

Di merasimê de ji wezîrên karên derve yê Fransayê Hubert Verdine ku niha serokê enstîtuyê ye amade bû. Vedrine di axaftina xwe de got ku ev xelat ji bo Demîrtaş û têkoşîna HDP'ê ya berdewam dike piştgiriyeke siyasî û sembolîk e.

SEDEMA XELATDAYÎNA DEMÎRTAŞ

Enstîtuyê li ser xelatê ji bo dayîna Demîrtaş wisa gotiye: " Em vê xelatê didin kes an saziyên fransiz yan jî biyanî; ên demokrat ku li dor armancên xwe yên mutewazî xebatê dikin. Edamên juriyê gelek ketine bin bandora hewldan, wêrekî û girêdana we ya xebatê. Em hêvî dikin ji bo hûn bikaribin ji bin barê dîlbûnê rabin, bi lez bigihîjin azadiya xwe û ji bo bibe alîkarê têkoşîna we ya demokrasî û edaleta civakî em vê xelatê didin te."

DEMÎRTAŞ: EZ HER DU MITTERAND'AN BIBÎR TÎNIM

Demîtaşî di nameya ku ji bo Enstîtuyê şandiye de gotiye ku ji bo wî û ji bo bi mîlyonan kurdî du Mitterand hene, François Mitterrand û Danielle Mitterrand û wisa dom kiriye: "Ez van her du şexsiyetên ku di bîra me de cih girtiye, dîsa kedek mezin dane nirxên Ewropayê bi hurmet bibîr tînim. Tê zanîn, ligel biryara Daîreya Mezin a Dadgeha Mafên Mirovan a Ewropayê jî ez hê jÎ li Girtîgeha Edîrneyê girtî me, loma ez nikarim ligel we bim. Bi piştgiriya we û bi têkoşîna me ez bawerim rojek ev bêhiqûqiya ku nirxên Ewropayê jî binpê dike dê rojek ji holê rabe."