Diyarname
Piştî Cewerî, Bîrkar û Bazîdî vê carê pîzzaçêkerê kurd Hakki Akdenîz xelat girt. Bi vê yekê di nav sê mehan de bû çaremîn kurd xelatê digire û navê kurdan bilind dike.

Pîzzaçêkerê kurd jî xelat girt
Hakki Akdenîz li Dewletên Yekbûyî yên Amerîkayê (DYA) dijî. Ew pîzzayê çêdike. Nêzî 10 dikanên wî yên pîzzayê hene. Ew sê caran bi pîzzayê bûbû şampiyon, yanê yekemînê dinyayê. Lê vê carê tiştek din çêbû: Meclisa Nûnerên DYA'yê 4 xelatên serketinê dan wî. Hakki Akdenîz ku ji Farqîna Amedê ye bi vê xebata xwe bi salan e li DYA'yê û li dinyayê navdar e. Ew ligel jina xwe par hatibû Amedê û çûbû Farqînê. Ligel vê navdarbûna wî, ligel ku tê zanîn ku ew kî ye û çi kes e jî roja 15'ê gelawêja 2017'an li Farqînê ligel jina xwe hatibû binçavkirin û ew biribûn Emniyeta Farqînê. Akdenîz ku hemwelatiyê DYA'yê ye paşê hatibû berdan.
Akdenîz ji Meclisa Nûnerên DYA'yê xelata "şampiyonê edaleta civakî", "rêberê li nav civakê", "rêberê li nav cîhana karsazan" 3 xelat girtin û her wiha ji Meclisa Eyaleta New Yorkê jî bi sedema "kesê xizmetên mînak ji bo civakê dike" û "serketina şexsî ya bêhempa" ew xelat kir.

Di van sê mehên dawî de 3 kurdên din jî xelat girtibûn û navê kurdan li dinyayê bilind kiribûn.

Firat Cewerî ji Akademiya Swêdê xelat girt
Nivîskarê kurd Firat Cewerê roja 29'ê pûşpera 2018'an ji Akademiya Swêdê "Xelata Wêjeyî ya 2018'an" girt. Cewerî ji berç ku gelek pirtûkên swêdî wergerandibûn kurdî û ev yek wekî xizmetek ji bo hat qebûlkirin û ew hat xelat kirin.

Koçer Bîrkar xelata matematîkê girt
Matematîkvanê kurd Koçer Bîrkar ji Kongreya Matematîkê ya Dinyayê xelata Madalyeya Fiedels girt ku ev xelat wekî Nobela Matematîkê tê bi nav kirin.
Kongreya Matematîkê ya Navneteweyî ku li îsal li Rio de Jenerio ya Brezîlyayê li dar ketibû 1'ê vê mehê xelat dabû Koçer Bîrkar.

Bazîdî ji UNESCO'yê xelat girt
Nivîskarê kurd Cemil Turan Bazidî ku li Yewnanistanê dijî bi pirtûka xwe "My Name is Azad" (Navê Min Azad e) 5'ê meha gelawêja 2018'an ji UNESCO'yê xelat girt. UNESCO vê xelatê dide berhemên ku çanda gelên xwe bi serketî nîşan didin.
**

Nûçeyên eleqedar:

- Vê carê nivîskerekî kurd ji UNESCO'yê xelat girt

- Kurdekî Rojhilat xelata Matematîkê ya Fiedels girt

 **

******
REKLAM

Ji bo vexwendnameyan malpera ku hûn serî lê bidin: http://www.davetiyeonline.net/
Bi sedan cureyên vexwendnameyan li benda we ne. 
Bi her zimanî em dikarin ji bo we vexwendnameyan amade bikin.

  
Navnîşan:
Yıldıztabya Alibeyköy Cad.No: 156 
Alibeyköy Eyüp-İstanbul
Telefon:  0212 -6266455
info@davetiyeonline.net