Diyarname

Kovar û weşana Nûbiharê heta niha nêzî 30 salan e gelek ked da û heta niha li gelek cihan deriyên xwe vekir lê niha li ciheke mayînde bi cih bû. Di merasima vekirina cihê nû de Gerînendeyê Weşanê yê Nûbiharê Suleyman Çevîk axivî û got: “Ev der mala we hemûyan e.”

Kovara Nûbiharê di sala 1992’yan de dest bi weşanê kir û ji wê deme ve weşana xwe didomîne. Weşanxaneya Nûbiharê jî ji wê deme ve pirtûkên bi kurdî pêşkêşî qada kurdî dike. Heta niha wan gelek caran cih guhart lê niha êdî ciheke wan a mayînde, ya wan bi xwe heye. Ji bo vekirina ev cihê nû ku li Fatîha Stenbolê ye merasimek li dar ket. Sosyolog Îsmaîl Beşîkçî jî di nav de gelek nivîskar beşdarî merasima vekirinê bûn. Gerînendeyê Weşanê yê Nûbiharê Suleyman Çevik axaftina vekirina cihê nû kir û xêrhatin li mêvanan kir.

Çevik qala sedsala 20’î ya Stenbolê ku gelek weşanên kurdî, saziyên kurdî li vir vebûne kir û got ku ew her yek helqayeke zincîrê bûne, Nûbihar jî yek ji wan helqeyan e, helqeya dawî ya vê zincîrê ye. Çevîk diyar kir ku ev cihê nû ne ê wan tene ye û ev yek lê zêde kir: “Ev der ê hemû kurdan e. Bila her kes bizane ev der wekî mala wan e. Dikarin werin vir jî wekî mala xwe jê sûde bigirin.”

Çevîk piştî bi kurmancî, bi kirmanckî (zazakî) jî axivî û xêrhatin li mêvanan kir. Piştî Çêvîk melayek derket, dia xwend û dûre bi axaftina Îsmaîl Beşîkçî mesarim bi dawî bû.