Diyarname

Festîvala Fîlman a Berlînî “Berlinale” bi motrayişê fîlmê derhêner François Ozon “Peter von Kant” dest pa kerd. 

Wezîra Çandî ay Almanya Claudia Roth di merasimê destpakerdişê festîvale de xeberî da û vat, “Ma kêfweşê ke festîvale virazenê. Erê miyanê şertanê vîrusî de festîvale virazêna. Çiyê ma rexne bikerê estê. La çiyo muhîm ew o ke Berlinale virazêna.”

Merasimê dest pa kerdişê festîvale Berlinale Palas de viraziya ke fîlmê pêşbazî ê festîvale zî tiya yenê pêşkêşkerdinî. Derhêner François Ozon, kaykerdoxê fîlmî ê û meymanê bînî ê festîvale serê xalîya sûre de poz da rojnamegeran.

Emsar rey 72’yinan Berlinale virazêna. 69 welatan ra 256 fîlmî festivale de benê meyman û înan ra 18 fîlmî qeybî Xelata Heşa Zêrîne pêşbazî de yê.

16’ê aşme fîlmê bi ser bikow bi merasimêke bêrê xelatkerdişî. Festîvale 20’ê aşmen qedêna.