Diyarname

Îro ji dinyayê du nûçeyên hilbijartinan em pêşkêşî we dikin her du jî balkêş in. Yek ji Bulgaristanê ya din jî ji Lîbyayê.

LÎBYA

Li Lîbyayê ji dema têkbirina desthilatdariya Muammer Qedafî ve heta niha alozî didome. Niha biryar e ku meha pêşiya me hilbijartin li dar bikeve. Hilbijartin wê roja 24'ê berfanbara 2021'ê de li dar bikeve û berendam niha serî lê didin. Reutersê ragihand ku kurê Wedafî Seygulîslam Qedafî ji bo berendamtiya Serokdewletiyê serî li lijneya hilbijartinê daye.

Li Libyayê 7'ê vê mehê serîlêdanên berendamtiyê ji bo serokdewletî û mebûsiyê dest pê kirin. Ji bo serokdewletê heta 22'yê mehê, ji bo mebûsî heta 7'ê meha pêşiya me serîlêdan têne qebûlkirin.

Televîzyona Lîbyayê Ehrarê ragihand ku Seyfulîslamê li bajarê Sebhayê serîlêdana xwe kiriye.

Seyfulîslam Qedaxî di sala 1972'Yan de hatiye din3e, li Londonê li London School of Economicsê xwendina doktorayê temam kiriye.

Di sala 2006'an de ji ber wî û bavê xwe li hev nekir ji welat derket, di sala 2008'an de vegeriya Lîbyayê. Dema rêveberiya Qedafî ket ew jî ji bo bireve Nîjeryayê direviya lê li bajarê Sehbayê hat girtin, di sala 2017'An de bi efûyê hat berdan.

Dadgeha Cezayê ya Navneteweyî bi gotina li hemberî mirovahiyê sûc kiriye li wî digere.

Li Lîbyayê hilbijartin dê dema xwe de bêne sazkirin an na hê meseleya nîqaşê ye. Aliyên ku dixwazin sê mehan bi paş ve bixin jî hene.

BULGARISTAN

Nûçeya din a hilbijartinê ji Bulgaristanê ye û di vir de ya balkêş ew e ku tenê sedî 33 hilbijêr çûne cem sindoqê û deng dane.

Hilbijartina ji bo Serokdewmetî roja 14'ê mehê li dar ket. Tu partî yan berendamî nekarî sedî 50+1 bigire loma hilbijartin ma ji bo dora diduyan.

Komîsyona Hilbijartinê 17'ê mehê dê encamên teqez belav bike. Li gor agahiyên ne fermî serokomarê niha Rumen Radev bi sedî 49,1 bûye yekemîn (Partiya Sosyalîst a Bulgaristanê piştgiriya wî dikir).

"GERB" (Hemwelatiyên ji bo Pêşketina Ewropayî) ku berendamê wan Rektorê Zanîngeha Sofyayê Prof. Dr. Anastas Gercikov bû bi sedî 26,5'an bûye duyemîn. GERB partiya Boyko Borisov e ku ew serokwezîrê berê bû.

Di vê hilbijartinê de yekemîn car tirk û mislimanan berendam nîşan dan. Berendamê wan Serokê HOH'ê (Tevgera Maf û Azadiyan) Mustafa Karadayi bû. Karadayi bi sedî 9,8 di rêza sêyemîn de ma.

Dora duyemîn a hilbjartina Bulgaristanê dê 21'ê mehê lidar bikeve.

Li Bulgaristanê 6,6 mîlyon hilbijêr hene û îsal bû 3 caran hilbijartin li dar dikve.

Li gor Alpha Researchê li gor encamên pêşî 6 partiyên siyasî karîne sedî 4 bendavê derbas bikin û mebûsan bişînin parlemenê. 

Li gor encamên ne fermî di hilbijartinên ji bo parlemenê de GERB bi sedî 24,8 bûye yekemîn û li meclisê koma mezin dê ava bike. PP(Geherîna Berdewam) sedî 24,1, Partiya Sosyalîst a Bulgaristanê bi sedî 13,7 bûye sêyemîn.

HOH bi sedî 10,7 bûye çaremîn ITN jî bi sedî 9,9 bûye pêncemîn. PArtiya din ku kariye bendavê derbas bike Bulgaristana DEmokratîk e ku sedî 7,8 deng girtine.