Diyarname

Fanzîna fotografîyê "Flashhilat" ku navber dabû weşana xwe, niha careke din dest bi weşanê kir.

Fanzina Flashhilat bi mijara xwe li ser fotografiyê di sala 2019'an de dest bi weşanê kiribû. Fanzîna ku hejmara xwe ya 15'an di meha avrêla 2020'an de weşand û xatir xwest niha dîsa hat.

Fanzînê di wê hejmarê de meseleya vîrusa koronayê girtibû dest û pêre jî ji ber meseleya koronayê dawî li weşana xwe anî bû. Niha amadekarên fanzînê biryara ji nû ve derxistinê da û hejmara 16'an pêşkêş dikir.

Di hejmara 16'an a meha kewçêrê ya fanzînê de nivîs, şiîr û wêneyên li dora fotografîyê hatine belavkirin.

Ji nivîsan Xemercîş Maydora bi "Saet û Taet" ya du parçeyên kin in balê dikişîne ser deman û fotografan. Dîsa Ferec Koyistanî bi "Wesîqeya Ewil", Dîlan Dildar bi "Hilma Bajêr", Ramazan Peksu bi "Li Ber Mirinê", Helbest Çetîn bi "Ji Xelayê Heta Xêlîya Govendê Maske", Bilal Seçkin bi "Sarûsermaya Rê", Mem Al bi "Heywaxa Jîyanê", Filîz Sutpak bi "Kelecana Naşî", Hêja Adar bi "Berf", Azad Turan bi "Heyfa Xortanîyê" di vê hejmarê de cih girtiye.

Edîtorê fanzînê Omer Faruk Baran ji payîza bi fotografekî Ciwan Haco destpê kiriye heta fotografçiyekî ji ber buhabûnê fîlmên analog zirar kiriye "Silava Edîtor" nivîsandiye û merheba daye xwendevanên fanzînê.

Fanzîna Flashhilat wekî berê carek din dê mehê carek bê belavkirin.

Ji bo têkilî: flashhilat@gmail.com

***

MAIL: diyarname@diyarname.com