DiyarName.Com

Xelata 'Şêrê Zêrîn' dan 'Happening'

Di 78'emin FesTîvala Fîlman a Navneteweyî ya Venedîkê de derhêner Audrey Diwan bi fîlmê xwe "Happening" xelata mezin Xel

Diyarname

Di 78'emin FesTîvala Fîlman a Navneteweyî ya Venedîkê de derhêner Audrey Diwan bi fîlmê xwe "Happening" xelata mezin Xelata Şêrê Zêrîn a festîvalê girt. Derhênera ji Zelandaya Nû Jane Campion jî Xelata Derhênera Herî Serketî girt ku bi vî awayî xelatên mezin girtin.

Festîvala Fîlman a Venedîkê bi merasima xelatdayînê bi dawî bû. Derhênera fransiz Audrey Diwan bi fîlmê xwe "L'evenement" (Happening) Xelata Fîlmê Herî Serketî Şêrê Zêrîn girt.

Derhêner Audrey Diwan çîroka fîlm ji romana Annie Ernaux a bi heman navî girtiye û temaşevanan dibe salên destpêka 1960'î yên li Fransayê. Fîlm li ser çîroka drama xwendekareke zanîngehê ye ku ew ji nişke ve bi hemil dibe û dixwaze kurtajê bike.

Di festîvalê de Xelata 'Şêrê Zîvîn' ku didin Derhênerê/a Herî Serketî dan derhênera ji Zelandaya Nû Jane Campion. Campion bi fîlmê xwe "The Power Of The Dog" .exdarî festîvalê bûbû.

Xelata Lîstikvanê Herî Serketî lîstikvanê ji Fîlîpînê John Arcilla (bi rola "On The Job: The Missing 8) û Xelata Lîstikvana Herî Serketî jî lîstikvana ji Spanyayê Penelope Cruz (Bi rola di fîlmê Parallel Mothers) girt.

Va ne xelatên ku hatin belavkirin:

- Şêrê Zêrîn: Happening / Derhêner Audrey Diwan

- Xelata Mezin a Juriyê: The Hand of God / Derhêner Paolo Sorrentino

- Derhênerê/a Herî Serketî: The Power of the Dog / Derhêner Jane Campion

- Lîstikvana Herî Serketî: Penelope Cruz (Bi rola di fîlmê Parallel Mothers de)

- Lîstikvanê Herî Serketî: John Arcilla (Bi rola di On the Job: The Missing 8 de)

- Senaryoya Herî Serketî: Maggie Gyllenhaal (The Lost Daughter)

- Xelata Taybet a Juriyê: Il buco / Derhêner Michelangelo Frammartino

- Lîstikvanê Herî Ciwan ê Serketî: Filippo Scotti (The Hand of God)

Lîstikvana spanyolî Penelope Cruz xelata Lîstikvana Herî Serketî girt