Diyarname
Maça fînalê ya Kûpaya Lîga Ewropayê ya UEFA'yê êvara 26'ê mehê di navbera tîma spanyolî Villareal û tîma îngilîz Manchester United debû. Di encamê de Villareal bi penaltiyan bi ser ket.
Maç li Stada Grans a Polonyayê hat lîstin. Hakêmê fransiz Clement Turpin maç bi rê ve bir. Ji ber vîrusê bi qasî sedî 25'ê kapasîteya stadê temaşevan girtibin stadê ku ev yek rastî 9 hezar û 500 kesî dikir.
Di maçê de gola yekem ji Villarealê hat. Lîstikvanê tîmê Gerrad Moreno di deqîqeya 29'an de tîma xwe bi 1-0 derxist pêş. Nîveka yekemîn wisa bi dawî bû. Di nîveka duyemîn deqîqeya 55'an de Manchester Unitedê bi Edinson Cavani bersiv da. Temamê maçê û 30 deqîqeyên zêdek jî bi 1-1'ê bi dawî bû û maç derbasî bikaranîna penaltiyan bû.
Aliyê herî xweş ê maçê jî ev der bû. Her lîstikvanê gog girt, gol avêt, ne yek, ne didu. Tam hemû lîstikvanan, yanê 10 lîstikvanên nava sehayê gol avêtin û encama penaltiyan bû 10-10. Û di penaltiyan de rêgez ew e piştî hemû lîstikvanên nav sehayê qeleparêz tên. Û dor dor hatûb ser qeleparêzan. Qeleparêzê Villarealê G. Rulli pêşî penaltî avêt û encam kir 11-10. Û niha dora qerelapêrêzê MU D.deGea bû. Gea nekarî golê biavêje û Villarealê piştî 21 penaltiyan kûpa bi dest xist.
Villareal ku yekem car derdiket Fînalê Kûpaya Lîga EWropayê kûpa bir mala xwe. Teknîk dîrektorê tîmê Unai Emery dema Sevilla bi rê ve dibir 3 caran ev kûpa girtibû. Emery bi vê jî bû 4 car vê kûpayê bi dest dixe û pênasa teknîk dîrektorê herî zêde ev kûpa girtiye bi dest xist.
Maça Lîga Şampiyon tê
Li aliyê din maça fînala Lîga Şampiyonan jî vê hefteyê ye. Her du tîmên îngilîz Manchester City û Chelsea çûbûn fînalê. Êvara 29'ê mehê her du ji bo kûpayê dê bi hev re bilîzin.