Diyarname

"Şîzo" navê pirtûka Peyam Îhsan e ku ji Weşanxaneya Nayê derketiye. Pirtûk çîroka malbateke pêşkêş dike.

Peyam Îhsan pirtûka xwe "Şîzo" wekî şanonameyeke amade kiriye û pêşkêşî xwendevan û şanohezan kiriye. 

Şîzo çîroka zarok û dayika wî ye; zarok dixwaze bilîze û dayika wî dixwaze wî di bin kontrola xwe de bihêle. Çîroka malbata banî ye; ew hewl dide dayikê di bin kontrola xwe de bihêle. Çîroka malbat û civakê ye; malbat dixwaze bi malbatî bi hev re bijîn û civak jî dixwaze wê têxe bin kontrolê xwe. Çîroka civak û dewletê ye; dewlet dixwaze civakê di bin kontrola xwe de bihêle û li gor daxwaza xwe wê bi rê ve bibe. Şîzo çîroka lawikekî, hiş û desthilatdariyê ye; lawik dixwaze bibe xwe, lê hiş û desthilatdarî jî dixwazin wî li gor xwe bi rê ve bibin. 

Şîzo, bi qebûlkirina serdestiya aqil re, pevçûna di navbera aqil û hestan de ji xwe re dike xem, pêşkeftina aqil nas dike û perspektîfeke rexneyî pêşkêşî me dike. Bi kurt û kurtahî Şîzo bi rêbaza şanonameyî di navbera hatin û çûyînê de li xwe digire.

Peyam Îhsan kî ye?

Peyam Îhsan di 10.04.1979'an de li havçeya Hawêla Sêrtê hatiye dinê. Dibistana seretayî, navîn û amadeyî li Hawêlê qedandiye. Piştre Beşa Birêvebiriya Giştî ya Fakulteya Aboriyê ya Zanîngeha Eskîşehîr Anadolûyê diqedîne. Peyam Îhsan ji sala 2000'an ve xebatên şanoyê dike. Di gelek warên şanoyê de wekî lîstikvanî û derhênerê lîstikê cih girtiye. Her wiha wî li ser şanoyê atolye jî pêşkêş kirine.

- Şîzo/ Peyam Îhsan /Şanoname /64 rûpel / Adar-2021