Diyarname

Nivîskar Zerdeşt Cemal bi navê “Sûr û Toledo” pirtûkek helbestan nivîsandibû, niha ew ji bo kurdî hat wergerandin û hat weşandin.

 “Sûr û Toledo” 7’emîn pirtûka Zerdeşt Cemal e. Biranîn(êş)ên Şaêr di gere wî ya Toledoya de jî dev jê bernadin û dibin sedem ku ev helbest derbikevin. Cemal ji nav dîrokên bi karekteran hêmaya berxwedanê dide hev. Ew hem ji aliyê dîrokî hem rewşa heyî ve nimûneyan bi helbestan dide hev.

Pirtûka ku ji aliyê Gula Almastê ve ji bo kurdî hatiey wergerandin bi ebata biçûk (11x15,5) hatiye çapkirin û ji 48 rûpelan pêk tê.

Sûr û Toldeya Zerdeşt Cemal hem gazinc e hem jî hawar e ku dinuqutîne bi ser çemê Tajo de; bo biherike xwe bigîhîne hawara Dijleyê.

Ji pirtûkê hin helbest:

…Toledo

Te xwe spartîye milên fetlokî ên Tajo

Bi xwe ewle

Destbirakê Dîjle, Tajo!

Tu diherikî bi lez

Weke tu dixwazî xwe bigihîne destbirakê xwe

Û dest bide destbirakê xwe

                                               Dîjle…

Tajo

Li qiraxên te pornixî ne

Di cemeda dîrokê de

Şowalyên te

Tevî xelatê Madalyonên qehremanîyê

Bûne sîmbol di nava pêlên te de…

**

…Îro

Hestiyên zarokên destbirakê te Dîjle…

Di qedera qonteynirên gemarê de rêwî ne

Di bêkesîya xwe de dixurrimin

Di bihara ‘emrê xwe’y ciwan de…

Nav û dengê te bilind dibe li kolanên Sûrê

Xendek li ‘emre min tên kolan 

Li kuçekorên kevirî 

Xweşikîya te weke ronahîya rojê

Misebiba qetla min e

Zarokên min dimirin

Siberojên sêwî ava dibin bi navê te

                                                             Toledo

Zerdeşt Cemal kî ye?

Nivîskar Zerdeşt Cemal di sala 1966’an de li Heramya ya Dêrika Çiyayê Mazî ya Mêrdînê hatiye dinê. Ew li Îzmîrê dijî. Wî heta niha 6 pirtûkên bi tirkî û yek bi kurdî nivîsandiye. 

Heta niha ev pirtûkên wî çap bûne:

1- Rimbaud’a / Şiir/2012/ Weşanên Na/ İzmir 

2- Yalnizken Mirildandiklarim/Şiir/2016  Weşanên Na /İzmir 

3- Yaraların İmbiğinden Damitilmiş Misralar / 2017/ Weşanên Na/ İzmir 

4- Çiplak Giyinik Şiirler/ 2018/ Weşanên Na/ İzmir 

5- Sê Koçrewan / Şi’îr/ 2018/ Weşanên Na/ İzmir

6- Mevsimleri Geç Kalbim / 2019/ Weşanên J&J, 2020, Weşanên Na

7- Toledo ve Sur’un duşundurdukleri /2020/ Weşanên  Na/ İzmir

İzmir

- Sûr û Toledo /Zerdeşt Cemal / Wergera ji bo kurdî Gulê Almastê 48 rûpel /2021/ Weşanên Na/ İzmir