Diyarname

Kurtedemek berê hevalê me Ferîd Mîtan di Diyarnameyê de li ser pirtûkên ku sala 2020'an de li Rojava derketine nûçeyeke amade kiribû. Vê carê rojnameger Mevlut Oguz podcasteke amade kiriye. Oguz ji bo Podcasta Kurdî ligel nivîskar, rojnameger û weşanger Şêrzad Besrawî axivî û podcasta xwe amade kir.

Besrawî di podcastê de dibêje li Rojava sê weşanxaneyên bi navê Şilêr, Ava û Neqş hene û van her sê weşanxaneyan di sala 2020'an de, 31 pirtûkên bi kurdî çap kirine.

Şêrzad Besrawî dibêje "piştî damezirandina Rêveberiya Xweser kêmasiyan derfeta çapkirinê" û van lê zêde dike: "Li ba rêveberiyê qedexebûn tune ye. Dema nivîskar dinivîsîne xema çapkirinê û xema qedexebûnê, girtinê û zindanê naxwe; li gorî rewşa heyî her tişt azad e.”

Weşangerê Rojavayî di beşeke din a wê hevpeyvînê de dibêje ku, “di rewşa heyî de, di rewşa şer de, em bêhtir xwe di pênûsê û rûpelê de dibînin. Me xwest em bibin xelek di navbera hundirê welêt û derveyî welêt, di navbera xwendekar û nivîskar de.”

Ji bo guhdarîkirina Podcasta Mevlut Oguz:

- Rewşa nivîskarî û weşangeriyê li Rojava; ji duh û heta îro

Ji bo xwendina nûçeya Diyarnameyê:

- 2020: Lîsteya pirtûkên ku li Rojava derketine 

Ji bo xwendina nûçeya li ser pirtûkên 2020'an yên li Bakur:
- 2020: Femo lîsteya hemû pirtûkên bi kurdî