Diyarname

Beyhanî Şahîn 22 sal berê li ser farisiya kevin ders dîtiye û wê demê li ser wergera farisiya kevn ji bo îro xebitiye. Û niha berî weşandina pirtûkeke bi vî rengî dîsa li ser wê wergera xwe xebitiye, nû kiriye û pêşkêş kiriye.

Pirtûka Beyhanî Şahîn bi navê "Nivîsarên Farisiya Kevin yên Dariyus -1" ji aliyê Weşanên Na ve hat çapkirin.

Şahîn li ser pêdiviya pirtûkek bi vî rengî van tiştan dibêje, "Ev nivîsar dîrekt ji Farisiya kevn hatin wergerandin. Bi saya van nivîsaran li hêlekê em bîhî kerektera zimanê Farsiya kevin dibin û li hêlekê jî têde bandora zimanê Medî ya li ser Farisiya kevin dibînin. Di nav demê ra, heta çend nifşan, Farisiya kevin bi temamî xususiyetên xwe yên bingehîn wekî ziman henda dike û dibe zmanekî Medî. Ji piştî demekê navê Dariyus tenê bi forma Medî tê nivîsîn."

Dariyus Berî Mîladê di sala 549'an de hatiye dinê û di sala 486'an a Berî Mîladê de miriye. Ew di sala 522'yan de bûye key û heta mirina xwe li desthilatdarî maye. Wî di dema desthilatdariya xwe de ev nivîsar nivîsîne.

Beyhanî Şahîn kî ye?

Nivîskar Beyhanî Şahîn disala 1969'an de li Orçîla Qoçkiriyê (Erzîncanê) hatiye dinêb Di sala 1988'an de çûye Ewropayê, li Zanîngeha Zurich û Bernê yên Swîsreyê beşa zimanên îndo-ewropî, îndolojî û fîllolojiya îndo-îraniyê xwendiye.

Wî di sala 2004'an de teza xwe li ser zimanê Medî nivîsiye (Bi elmanî. Die Sprachen der Meder, "Zimanên Medan").

Pirtûkên wî:

- Bêjenasiya Zimanê Kurdî (1) ya Dîrok, Weşanên Na, 2020

- Nivîsarên Farisiya Kevn -1- yên Dariyus, Weşanên Na, 2020