Diyarname

Van salên dawî ji Ewropa gelek lîstikvanên ciwan ji bo tîmên ku li Tirkiyeyê fûtbolê dilîzîn têne transferkirin. Hin jê jî ji bo Lîga Super a Tirkiyeyê têne transferkirin. Nilha yekî din li wan hat zêdekirin: Kasimpaşa Sporê lîstikvanê kurd Azad Toptîk îro transfer kir.

Azad Toptîk di 12'yê reşemiya 1999'an de li bajarê Schwabicsh Hallê hatiye dinê. Di tîma Stuttgart II de dilîst. Li Almanyayê Stuttgart II di lîgên jêrîn de dilîze. Ligel vê yekê jî Kasimpaşayê ew trasfer kir. Ji bo transferê 25 hezar Euro pere hatiye dayîn.

Azad Toptîk ku hê 19 saliye ji bo pêşerojê hêviyan di xwe de dihebîne ku Kasimpaşa jî ev yek kiriye. Kasimpaşayê ji bo heta 30.06.2021'ê ligel wî peyman girê da.

Azad Toptîk ku bejna wî 1.78 e, wekî forvet, aliyê çepê dilîze û her du lingên xwe dikare bikar bîne. Ew berî were Kasimpaşayê navê wî ji bo hatina Beşîktaş jî hatibû bilêvkirin lê transfer çênebû.

Çend sal berê Deniz Nakî hatibû tîma Super Lîga Tirkiyeyê Gençlerbîrlîgî lê ji ber êrîşên nijadperestan vegeriyabû Almanyayê. Paşê Amed Sporê ew transfer kiribû, Nakî dîsa ji ber êrîşan çû Almanyayê. Eren Derdîyok ku ji Dêrsimê ye lê li Swêdê mezin bûye û li wir dest bi fûtbolê kiriye sala 2015'an de transferê Kasimpaşayê bûbû. Kasimpaşayê 2016'an de ew firotibû Galatasaray ku Derdiyok hê li wir dilîze. Tê gotin ku di vê dema ku lîgê navber daye maçan de derdiyok dê transferê Goztepeya Îzmîrê bibe. Akademiya Fûtbolê ya Galatasaray van rojan lîstikvan Çedkar Orhan jî transfer kiribû.