Diyarname

Nûçe bi vî rengî ye: Wezîra Karên Derve ya berê ya DYA'yê Hillary Clinton û keça wê Chelsea Clinton dê ji pirtûka bi navê "Keçên Kobanî" fîlm/rêzefîlmekî bikişînin.

Pirtûka li ser têkoşerên YPJ'ê ji aliyê nivîskar Tzemach Lemon ve hatiye nivîsandin. Pirtûka ku bi navê "The Doughters Of Kobani" dê meha pêşiya me derkeve qala berxwedana YPJ'ê ya li dijî çeteyên DAIŞ'ê dike. Û niha hat ragihandin ku malbata Clinton dê ji vê pirtûkê rêzefîlmekî bikişînin. 

REKLAMEKE DI ASTA BILIND E 

Kompaniya HiddenLight Produksiyon ji aliyê Hillary-Chelsea Clinton û Sam Branson ve hatiye avakirin. Kompaniyê mafê amadekirina fîlm girtiye ser xwe. Clintonê li ser projeyê wisa gotiye, "Ji pêşkêşkirina çîroka 'Keçên Kobanî' ji bo dinyayê bi heyecantir tiştek din dê tune ba. Pirtûka Keçikên Kobanî qala wan keçikên dilpola ku ji bo edalet û wekheviyê şer dikin, dike." Li aliyê din Hillary Clinton li ser hesabên xwe yên Twitter û Facebookê jî ev agahî belav kir.

Tê zanîn ku meseleya cihûyên di kampên naziyan de hatin şewitandin bi fîlman derketin qada dinyayê. Dinya hemû êdî zêdetir bi fîlman reklaman xwe dike. Kişandina fîlmek li ser kurdan di asta Hollywoodê de, bi gotineke din di asta dinyayê de bi serê xwe reklameke gelek mezin e. Aliyeke girîng a meseleyê jî ev fîlm ji aliyê kesên di asta bilind de DYA bi rê ve birine de dê bê kişandin ku kurdan bi xwe mîlyon dolar xerc bikira dê nikariba reklameke wisa mezin bikira. 

Ji îro pê de dê fîlm kengê bê kişandin, bê kişandin yan na, dê çawa be, ji aliyê teknîkî, ji aliyê naverokê ve dê tiştek baş derê yan na pirsên din in lê ji niha de dinya hê zêdetir bi keçikên Kobanî hesiya ye.

PIRTÛK MEHA PÊŞIYA ME DERTÊ

Li gor Hollywood Peporter di 16'ê meha pêşiya me dê Penguin Press pirtûkê çap bike. Pirtûk ji hevpeyvînên bi seatena hatine kirine û ji agahiyên ji warê têkoşînê hatine girtin pêk tê. Amazonê ji niha de pirtûk derxistiye firotinê ku bi 23,99 dolarî tê firotin.

Nivîskara pirtûkê Lemon jî kesek navdar e. Didline Hollywoodê jî piştî nûçe pêşkêş kiriye li ser nivîskar wisa gotiye, "Du pirtûkên Lemon 'The Dressmaker of Khair Khana' (2011) û 'Ashley's War: The Untold Story of a Team of Women Soldiers on the Special Ops Battlefield' (2015) di nav lîsteya pirtûkên herî zêde têne firotin a Timesê de cih girtibûn."
ÇAPEMENIYA DINYAYÊ

Piştî Hollywood Reporterê, heta niha gelek saziyên çapemeniyê yên wekî Dailymail, Der Spiegel, Dedline, Arabnews, Northpress, Al-Monitor, Middleeasteye li ser nûçe çêkirine û agahî belav kirine.

ÇAPEMENIYA TIRKAN DIJ DERKET

Li aliyê din li Tirkiyeyê çapemeniya dewletê û yên nêzî hikumetê nûçeyên neyînî saz kirin. AA'yê nûçe bi gotina "Clintonan mafê TV'yê yê  pirtûka ku qala terorîstên jin ên YPG/PKK yên li Kobanî dike girt" weşand. Hurriyetê bi gotina  "Ji first malbata amerîkî projeyeke skandal: Clintonî dê bi rêzefîlmekî pesnê YPG'ê bidin", rojnameya Aydinlikê jî gotiye, "Hillary Clinton û keça wê dê rêzefîlmê YPG/PKK'ê bikişînin", rojnameya Sabahê sernavê "Fîlmek skandal" bikar anî.