Diyarname
E-kovara moda û makyajê ya bi kurdî “Kubar” bi hejmara xwe ya 4'an derket pêşberî mode û makyajhezan. Kovara ku çend mehan carek derkeve jimara "01/2021" daniye ser bergê. Hejmara berî vê di meha 8'an a par derketibû. Kovara ku bi awayekî dîjîtal hatiye weşandin yên bixwazin dikarin daxin û bixwînin.
Kovarê di vê hejmarê de du stranbêjê kurd Rojbîn Kizilê û Fehîma kirine berga xwe. Her du hunermend bi "Kurdish Mahsup"an li nav qada muzîka kurdî nav û dengên wan derketibûn bi taybetî ciwan ji wan hez dikin. Hevpeyvîn bi taybet ligel Rojîn Kizil hatiye kirin ku Fehîme jî xwişka wê ye. Kizil dibêje, "Em hêza xwe ji malbata xwe û ji gelê xwe distînin." Stranbêj Kizil li ser meelela fikra Kurdish Mashupê wisa gotiye, "Cara yekem ez 9 salîbûm ez derketim ser dikê û min stran gotin. Mashup pêşî li Emerîkayê derket û li Ewropayê belavbû, bi hemû zimana hebû lê tenê bi kurdî tunebû. Tu kesî ev cesaret nedikir an jî nedifikirîn ku mashupê bi Kurdî derxin. Muzîka Kurdî jî ketibû nava aramîyekê û ji qalibê xwe dernediket, bi kurtasî hatibû sekinandin. Me got cara yekem em ê dest pê bikin, em ê tiştekî cûda bikin, rîska wê jî hebû, lê gava me çêkir gel û piranî jî ciwanan bertekeke gelekî baş dan xuyakirin. Piştî me, bi sedan ciwanan mashupê bi Kurdî çêkirin, ev jî bû sedema ku carek din muzîka Kurdî zindî be, ciwan û zarokên Kurd êdî bi Kurdî diaxivin û li muzika Kurdî guhdar dikin.Hêvî dikim ku berdewam bikin û zimanê Kurdî jî bi pêş bixin."
Her wiha di e-kovarê de nivîsên li ser "Postê me çima ziwa dibe", kincên salên 70'yî, "Di esaletê de rengê spî", "Kurdish Women Podcast", li ser pirsgirêkên guh û bihîstinê, li ser stresê, pêşniyarên çenteyan û nivîsên bi vî rengî hatine pêşkêş kirin. Yek ji nivîsên derketiye pêş jî ya li ser hunermenda bi nav û deng Eyşe Şanê ye.
Ji bo xwendinê:
.jpg)