Diyarname
Li Tirkiyeyê yekem car Mebûsê HDP'ê yê Sêrtê Kadri Yildirim bi kurdî pirsnameyek dabû Meclisa Tirkiyeyê. Lê meclisê ev pirsniyarnameya bi kurdî bi gotina "Nayê fêmkirin" bi paş ve şand.
Mebûsê HDP'ê Yildirim li ser perwerdehiya bi kurdî ya ji bo sala 2015-2016'an pirsname dabû meclisê. Yildirim di daxwaznameya pirsnameyê de wisa gotibû: "Ji bo Serokatiya Meclisa Gel a Mezin a Tirkiyeyê, ez dixwazim ku Wezîrê Perwerdehiyê Birêz Navî Avci pirsên min jêr li gorî benda 98'emîn a Makezagonê û li gor bendên 96'emîn û 99'emîn ên Rêziknameya Navxeyî ya TBMM'ê wek nivîskî bibersivîne. Bi rêzdarî pêşkêş dikim."
Ev yek li Tirkiyeyê yekem car bû. Heta niha kesî bi kurdî daxwaznameyek nedabû meclisê. Yildirim bi vê yekê bû yekemîn.
Yildirim dibêje ew wekî midûrê enstîtuya bi kurdî ku yekem car li Tirkiyeyê vebû, dê dev ji mafê bikaranîna kurdî bernede û wisa didomîne: "Ger wan ez wekî midûrê vê enstîtuyê wezîfedar kirime, wê çaxê ezê bi wî zimanî xizmetê ji bo gelê xwe bikim. Ji bo vê yekê ezê teqez ji rayedaran sedemeke bi nivîskî bixwazim."
Yildirim her wiha dibêje ew dê di bin banê meclisê de ji bo kurdî bi xebatên dike û dê bike parastina çandê bikim.