Diyarname

Niha rojeva sporê ya Tirkiyeyê meaşê Ersîn Duzen e. Bûyer berê jî hatibû rojevê lê vê carê Fatih Altayli anî rojevê. TRT ji bo vê muhîm e: Berevajî kanalên taybet, butçeya TRT'ê ji bêrîka gel tê derxistin.

Altayli got "Ez naxwazim guneyê wî bikim stûyê xwe lê dibêjin Ersin Duzen mehê 400 hezar TL ji TRT'ê, 100 hezar TL jî ji TFF'ê digire" û paşê ev lê zêde kir, "Li BBC kes ew qas pere nagire."

Paşê li ser vê Ersîn Duzenê amadekarê bernameya TRT Sporê ya bi navê "Stadyum" di bernameyê de got "Bila ispat bikin ezê dest ji televîzyonê berdim û qet dernekevim pêş ekranê."

Sertel: Bila gilî min bike, bûyer zelal bibe

Mesele li wir bi dawî nebû, rojnameger û mebûsê CHP'ê yê Îzmîrê Atila Sertel îro çend twît bi dû hev re weşandin. Sertel got, "Ersin Duzen studyoya TRT'ê û kameramanên wê bikar tîne, sê lîstikvanên berê jî wekî mêvan digire û weşanê dike. Sê sal berê TRT'ê lîst eşkere kiriye. Di lîsteyê de Huseyîn Ersîn Duzen serê bernameyê 34 hezar û 370 TL digire. Hefteyê du caran bername çêdikir, ev yek derxistine 3 caran, ev jî dike hefteyê 103 hezar û 100 TL. Wî fatûre biriye û ev pere ji TRT'ê girtiye. Mehane dike 412 hezar û 440 TL."

Sertel dibêje dema TRT'ê ev agahî ligel me parve kir, min jî bi raya giştî re parve kir lê Duzen gotiye ezê li cem dadgehê gilî wî bikim û ji ser twitterê re jî ez hatim tedîtkirin.

Mebûsê CHP'ê Sertel dibêje ev sê sal in ez li benda dadgehê me û van lê zêde dike: "Ger em derkevin pêşberî dadger dê rastî derên. Ersin Duzen hemû pereyî ji xwe re nagire, li gor hinan ew mehane her yek 30 hezar, li gor hinan her yek 15 hezar dide mêvanan ku ev reqemek biçûk e."

Sertel li ser butçeya TRT'ê jî ev yek gotiye, "TRT'ê di sala 2019'an de ji fatûreyên elekrîkê mîlyorek û 45 mîlyon û 98 hezar û 830 TL, ji pereyên bi ser bandrolên televîzyon, kompîtur, telefoünên destan ku jêre tê jî par mîlyorek û 757 mîlyon û 93 hezar û 787 TL bûye. Yanê ji gel 3 mîlyon û 803 mîlyon û 92 hezar û 619 TL hatine berhevkirin û ev yek bela wela hatiye xerckirin."

TRT'ê jî meaş eşkere kir

Li aliyê din îro TRT'ê daxuyaniyek weşand û got ku îsal wan sedî 10 meaşê Ensîn Duzen zêde kirine û niha mehane 27 hezar û 500 TL ji bo heqê xwe digire.

Ridvan Dilmen zêde pere kar dike

Li Tirkiyeyê di nav şirovekarên sporê de herî zêde Ridvan Dîlmen pere kar dike. Lîstikvanê berê Ridvan Dilmen ev bi salan de di NTV de şirovekarî dike. Îsal pereyên ku ew digire nehat eşkere kirin lê çend sal berê NTV eşkere kiribû ku salane 700 hezar dolarî dide Dîlmen. Piştî wî Erman Toroglu tê.

Heta berî hewldana derbeyê ya li Tirkyeyê lîstikvanê berê û mebûsê AKP'ê Hakan Şukur ji TRT'ê salane nêzî mîlyonek TL pere digirt.