Diyarname
Peykera Hîtler ku li muzeya "Madame Tussauds" de hatibû pêşkêşkirin, polîsek serê wî jêkiribûn. Niha ew tê temîrkirin.

Hîtler çi dibe bila bibe keseke ku şanenava xwe li dîrokê daye. Piranî ji wî hez nakin, lê hindik be jî yên ku ji wî hez dikin jî hene. Ji vê wêdetir ew wekî tarîxekê di muzeyan de cih digire. Muzeya Madame Tussauds jî li ser vê yekê peykerê Hîtler çêkiribû û li şaxa xwe ya Berlînê de bi cih kiribû. Lê ji mêvanên muzeyê polîsekî bi navê Frank L hefteya borî çûbû muzeyê û serê Hîtler jêkiribû.
Meraq ew bû ku dê careke din peyker bê tamîrkirin û pêşkêş kirin an a miduriyeta muzeyê daxuyaniyeke eşkere kir û got ku ewê peykerê tamîr kirin û dîsa pêşkêş bikin.
Di daxuyaniyê de muzeyê ragihand ku Hîtler parçeyeke dîroka Berlînê ye loma ew dê dîsa peykerê pêşkêş bikin.

Li gor nûçeya rojnameya Bildê kurtedemeke berê bi awayekî veşarî peykera Hîtlerê birine Îngilistanê û li wê derê dê tamîr bikin û vegerînin.

Mişteşarê Wezîrê Çandê yê eyaleta Berlînê Andre Schmitz jî ji bo rojnameya Berliner Zeitung axivî û da zanîn ku ew naxwaze peykera Hîtler di muzeyê de cih bigire.

Muzeya Madame Tussauds li dinyayê xwedî 8 şaxan e û di muzeyên wan de peykerên siyasetmedar, hunermend û sporkarên navdar hene.