Diyarname
BDP'ê piştî îstîfaya Selahattin Demirtaş civîneke li dar xist û serokek nû hilbijart.

Piştî berendamtiyê ku Selahattin Demirtaş û Gultan kişanak ji hevserokatiya BDP'ê îstîfa kirin endamên Meclisa Partiyê (MP) ya BDP'ê li Amedê civiyan.

MP'ê pêşî meseleya vetoya YSK'ê û dûre qebûlkirina berendamtiya serbixweyan nirxand. Dûre İbrahim Oruç ku di bûyerên şermezarkirina biryara YSK'ê de li Bismila Amedê bi guleyê polîsan hatibû kuştin wekî şehîdê demokrasiyê bi nav kir û diyar kir ku dê her bibîr bînin.

MP'ê dûre li ser peywirdarkirina serokatiya partiyên û endamên meclisê nîqaş kir. Di encamê de mebûsê BDP'ê yê Culemêrgê Hamit Geylanî ji bo serokatiya partiyê hat hilbijartin.

Ji bo endamtiya Lijneya Rêveberiya Navendî ku ji îstîfaya endam kêm bûbûn jî ji nav MP'ê Omer Agin, Buşra Ersanli, Osman Ergin, Yildiz Aktaş, Huseyin Dag, Ozlem Yanat, Yuksel Mutlu hilbijartin.