Diyarname
Li Îngilistanê lêkolîneke balkêş hate kirin. Li gor vê lêkolînê xwendina nivîskarên mezin ên îngilîz dike ku mirov xwe bi xwe terapiya xwe çêbikin û morala xwe baştir bikin.
Zanîngeha Liverpoolê lêkolîn kir. Lêkolîn radigihîne ku xwendina nivîskarên mezin wekî Shakespeare û Wordswordh bandoreke erênî li mejiyê dike û baldariya xwendevanan jî zêdetir dibe.
Li ser 30 kesên dilxwaz ev lêkolîn, bi xwendina versiyona modern a berhemên klasîk hate kirin. Bi taybetî hate dîtin ku Shakespeare aktîvîteya mejiyê mirovan zêdetir bilind dike. Di lêkolîna ku hate kirin de pirtûkên nivîskarên wekî Wordsworth, Henry Vaughan, John Donne, Elizabeth Barrett Browning, Eliot, Philip Larkin û Ted Hughes hatin xwendin.
Zanyaran wergera modern a van nivîskaran bi hinan da xwendin, aktîvîteya mejiyê wan bi monîtoreke şopand û li ser lêkolîn kir. Di lêkolînê de derket holê ku mirovên ku helbest û pexşanê dixwînin di mejiyê wan de zêdetir çalakîbûn dertê holê. Lêkolîner dibêjin ku bi taybetî helbest di loba aliyê rastê yê mejî de aktîvîte zêdetir dike.
Profesorê îngiliz Philip Davis dibêje ku berhemên cidî di mejî de bi qasî teqîna rokeket bandorê dikin. Li gor Davis, wêje di mejiyê mirovan de rêyek vedike, fikrên nû derdixe holê, di warê şikilgirtina mejiyê ciwanan de jî dibe alîkar.