Hekîm SEFKAN

Gelo ew kesên ku "hêsran" li ser Seyîdxanê Boyaxçî dibarînin, ji xwe pirsîne kînga navê wî bihîstin?! Li ku?! Yan jî qet bi çîroka wî dizanin?!

Na...

Videoyeke belav dibe ku xalê Seyîdxan gazinan dike. Lê mesele aliyê din e. Mesele ne gazinên Xalo ne.

Gelo dema ku xortên Navenda Çanda Dîcle û Ferat Xalo ji kolanan (Ku ne şerm e wî ji bo zarokên xwe xwedî bike qundereyên kurdan boyax dikirin) anîn û saziyek wekî Malan Dengbêjan dane ber ne qîmet girtin bû?! Çima wê demê kesî pêre hevpeyvîn nedikir?!

Dema Şaredarî di destê kurdan de bû, xalo jî stêrkê her dikê bû, çima kesî hevpeyvîn pêre nedikir?!

Piştî hatina Xalo, êdî bi mîlyonan ew naskirin, xalo bextewar bû, êdî civatên wî berpirsiyar û serokên belediyan û hunermend bûn, çima wê demê nehat bîra we?!

Di her serdana xwe ya Amedê de, heya ez ji wir derdiketim, her roj min Xalo didît, wî her pesnê Farqîn, Bulent, Çiya Azad û Mamoste Celal* dida. Digot, "Geda dawiya emrê min ez kêfxweş kirim."

Xalê Seyîdxan cara yekê sala 2009'an emeliyet bû.

Kî ji we li wir bû? Farqîn û xortên Navenda Çandé bûn. Ne tenê wê carê, heya 2016'an jî rewş wiha bû.

Gelo di dema hevpeyvînê de jê pirsîn, "Piştî hatina Keyûman rewşa te çawa bû, berî wê çawa bû?"

Xaloyê 85 salî ku bûbû mîna zarokan, êdî ne şaredariya kurdan, ne Farqîn, ne Bulent, ne Çiya ne jî Navenda Çandê ku her kesî çayê ji Xalo re dianîn, li holê nema bûn.

Hunermendan Amed li pey xwe hiştibûn, ji ber zilmê koçber bûbûn, her yek bi cihek ve çûbûn.

Kilît li deriyê Navenda Çandê xistibûn.

Osman Baydemirê ku bi Xalo re Mala Dengbêjan vekirbû berê xwe dabû Ewropa. Serokên şaredariyan, berpirsiyarên partiyê, hemû girtîbûn.

Tenê Azad maye, ew jî bi kevçiyan xwarinê dide Xxalo. Mamoste Celal heye, ew melayketê Xwedê, serdan jê qut nedikirin.

Wiha jî xort û keçên li wir mayî...

Lê festîval neman. Dik qedexe ye, kesî ku van ji zarokê 85 salî re bêje tune ye.

Tenê karin wî li wan kesan sor bikin.

Xalo di mala dengbêjan de, bi kayûman re xebat berdewam kir, lê kayûm ne Gulten e, ne Osman e, ne Ferat e..ew zalimekî cehenemê ye.

Hinekî wijdan..rehmê bikin.

Û dawî, hûn dizanin ku "Oda Tebîban" ya Amedê doktor jê re dişandin malê.

Ama mixabin, Xalo piştî ew qas emeliyat û felcê, êdî hestên wî yên zarokane bûn. Ew xort û keçên dora wî, Gumguma Navenda Çandé êdî tune ne, kesî jî jê re negot û ew qanî nekirin ku Navend hatiye girtin. Hevalên te hinek di zindanan de hinek jî li sirgûniyê ne.

Hinekî wijdan. Hêsirê tîmsehan nebarînin.

Rehma Xwedê lê be. Serê gelê me.sax be.

(Wêne Azad Bedran û Xalê Seiydxan, ji rûpela Azad hatiye girtin)

*Têbiniya Diyarnameyê: Qala hunermendê Navenda Çanda Dîcle Feratê dike
**

Nûçeya Eleqedar:

- Dengbêj Seyîdxanê Boyaxçî wefat kir