Diyarname
Pirtûka "Antolojiya Helbesta Nûjen a Rojava ji aliyê Weşanên rojava ve weşandin. Antolojî ji aliyê Cano Şakir ve hatiye amadekirin.
Nivîskar, helbestvan Cako Şakir ji rojavayê Kurdistanê ye û li Ewropayê dijî. Ew di rojnameya Yenî Ozgur Polîtîka de li ser çand,wêjeyê qunciknivîskarî dike. Heta niha nêzî deh pirtûkên wî derketine û pirtûka niha li ber dest ya herî nû ye: "Antolojiay Helbesta Nûjen a Rojava". Pirtûk li Stenbolê îsal ji Weşanê Ar hatiye çapkirin û di pirtûkê de 96 helbestvanên ji rojavayê Kurdistanê cih girtine.
Felsefeya Gunas
Berî danasîn û helbestên wan Şakir nivîsek li ser helbestê nivîsiye. Ew dibêje wî ev pirtûk li ser felsefeya Gunas ku bi sê taybetiyan tê nasîn (Sattva, Rajas, Tamas) daye rûniştandin û dibêje, "Her çiqas aliyên felsefî yên vê antolojiyê kêm be jî di vê xebatê de min hewl da ku ez vê antolojiyê jî li ser têgihîştina mîtolojiyên felsefîlk û sê bingehên paqij ên felsefeya Gunas bidin rûniştandin, ango lêkolîna zanistî, ramyarî di vê serdema me ya nûjen de zelal bikim."
Helbestvanên di pirtûkê de cih girtin
Di pirtûka ku 718 rûpel pêk tê de van helbestvanên rojavayê Kurdistanê cih girtine: Cano Şakir, Rêber Hebûn, Xebat Şakir, Şêro Dalînî, Emîra Mistefa, Suad Husên, Nûrşan Hisên, Ciwan Nebî, Kemal Necim, Amedê Xursê, Cîhan Hesen, Mehmûd Badilî, Azer Şiwêş, Mîdiye Berekat, Beşîra Derwîş, Xemgîn Remo, Ciwan Qado, Raman Seydo, Ibrahîm Ebdî (Keser), Mişe’lê Osman bavê Nisrîn, Majda Darî, Husên Hebeş, Hêvîn Hiso, Zîwer Etman, Wecîha Ebdirehman, ArdilanAbdo, Silêman Azer, Gulistan Awaz, Ezîz Xemcivîn, Tengezarê Marînî, Hesen Eyû, Şaha Peyvan, Abbas Abbas, Dr. Gundî Dilberz, Şadiya Xelo, Nûh Silêman, Demhat Dêrikî, Raman Hesê, Burhan Hiso, Rizgar Hiso, Mizgîn Hesko, Sîmav Efrîn, Ebdoyê Heydo, Ednan Şêxê, Can Bapîr, Xelat Ehmed, Evdî Çaço, Beşîrê Mele Newaf, Çîmen Mûrad, Leyla Reşo, Narîn Dêrikî, Kovan Kinho, Meryem Temir, Evîn Ibrahîm, Vejîna Kurda, Yasîn Hisên, Enes Hecî Qasim, Temoz Şemalî, Narîn Omer Seyfedîn, Rûxweşê Zîvar, Evîn Şikakî, Goran Haco, Ibrahîm Xelîl, Melevan Resûl, Ehmed Huseynî, Salihê Heydo, Dîlber Haco, Can Birahîm, Rûşen Yûsif, Adnan Hasen, Alan Hemo, Ebdilselamê Xoce, Dilşa Yûsûf, Zahid Mehmûd, Xalid Omer, Hozanê Girkundê, Elwan Şivan, Axîn Mîrxan, Konê Reş, Luqman Ebdirehman, Lukman Mehmûd, Anahîta Sîno, Hekîm Sefqan, Yûsiv Birahîm, YasînAhmad, Dilyar Dêrikî, Mesûd Xelef, Ronî Elî, Seydo Reşîd, Mihemed Bîco, Merwan Elî, Pîr Êzdîn Pîr Îdo, Zerdeştê Kal, Hebet Hemo, Hena Daoud, Ebdilwehab Ezîz.
Pirtûkên din
Berî vê bi navê "Helbestname", "Rojava" û "Rawestgeha Bendemanê" jî sê pirtûkên wî yên helbestan ji Weşanên ar derketibûn. Her wiha Cano Şakir bi xwe nêzî deh pirtûkan nivîsandine.
- Antolojiya Helbesta Nûjen A Rojava / Amadekar Cano Şakir / Weşanên Ar / Helbest / 2020 / 718 rûpel