Diyarname
Bi navê Sporkurd malpereke ku tenê dê nûçeyên sporê bi weşînê bi kurdî dest bi weşanê kir.

Malper bi navnîşana www.sporkurd.com bi kurmancî û tîpên latînî dest biweşana xwe kir. Li gor agahiyên ku malperê şandine di redaksiyona malperê de Alî Fikrî Işik, Mehdî Çilgin, Ednan Stêrk, Ferzan Şêr û M.Şefîq Oncu cih digirin.

Malperê armanca xwe wisa diyar kiriye: "Armanca me ya sereke li kîjan parçeyê Kurdsitanê dibe bila bibe, ragihandina her agahiyek li spora kurd e. Mimkûn e di destpêkê de ji ber şert û mercan nûçe û şîroveyên ji Bakur di giraniyê de bin, lê ew ê neyê wê manê ku em qedir nadin rûdanên sporê yê parçeyên dinê. Bo vê yekê jî me hewcedarî bi her alîkariyekê heye. Li gel nûçeyên ji welatê me, dê xwendevan karibe nûçeyên sporê ji seranserê cîhanê jî di Sporkurdê de bibîne. Pêwîst e em destnîşan bikin ku ê fûtbol di malpera me de di giraniyê de be, lê em ê beşên din yên sporê jî jibîr mekin."