Diyarname
Ev foto bênîqaş fotoyê rojê ye. Ji maça Tottenham û Manchester United (MU) e. MU hê zêdetir xwedî atakan e, lê di deqîqeya 42'yan de Tottenham bi 1-0 derketiye pêş.
Deqe hatiye 68, hema hema dê MU golê biavêje, lê Tottenhamê dîwar saz kiriye. Deqîqe 68; gog şandin nav pêş keleha Tottenhamê, qeleparêzê wan Vicario nekarî gogê bigire, ji MU'yê Hojlund bi serê xwe lê da, tam gog diçû kelehê, hema kêliyeke biçûk mabû dê her kesî bigota "gol" lê parêzvanê Tottenhamê Micky van de Ven hema beje firiya û nehîşt gog xêza kelehê derbas bike. Ger MU'yê gol biavêta karê Tottenhamê zehmet bû, lê Venî nehişt. Bi vê yekê kûpa hat.
Û ev foto ji wê kêliyê ye. Bi vê fotoyê Tottenhamê kûpa girt, bi xêra vê fotoyê Tottenham sala bê dê di Lîga Şampiyonan de bilîze. Loma jî ev foto, fotoyê rojê ye.

Ji defansê Tottenhamê Micky van de Ven firiya û pêşî li golê girt.

**

Nûçeyê Eleqedar:

- Piştî 41 salan kûpa girtin

- Xwediyê kûpayê diyar dibe