Diyarname
Di Komcîvîna CHP'ê de bi stranên Ciwan Haco û Aynur Dogan govend hate gerandin. Polîtîkaya wan li ser kurdan wisa diyar bû.

CHP partiyeke ecêb e. Heta niha di warê pirsgirêka kurd de li ser polîtîkaya înkarê disekinî, li ser mafên kurdan tişteke nedigotin lê îro stranên Ciwan Haco û Aynur Dogan lêxistin û li ber rabûn dîlanê. Bi vî awayî jî CHP'ê polîtîkaya xwe ya li ser kurdan nîşan da. Ê heyran ji xwe me li Ciwan Haco û Aynur Dogan heta niha guhdarî dikir... Wekî din gotin û kirina te çi ye, ka em wê bibînin.
Digel ku kurd di gelek waran de jixwe hin tiştan dikin jî (wekî weşan, çap, tomarkirin), wekî dubare be jî di komcivîna CHP'ê de hin tişt hatine gotin. Vane tiştên li ser kurdan ku hatine gotin:
- Pirsgirêka kurd di rastiya xwe de pirsgirêka demokrasî û pêşketinê ye.
- Mafê dewletê nîn e kesî asîmîle bike. Mafê çandî yên kesî, mafên bingehîn ên mirovî ne. Ev maf ne li qada fermî rastiya warê taybet e.
- Ji her kokî hemwelatî divê bi azadî zimanê xwe di saziyên taybet (qurs, dersxane) hîn bibin. Rojname, kovar, pirtûk, muzîk bi awayeke azad bê kirin. Astengiyên li pêşberî weşanê bêne rakirin.