Diyarname
Kovara Dilopê bi hejmara xwe ya nû, hejmara 12'yan li pêşberî xwendevanên xwe ye. Bi vê hejmara rêbendan-reşemiyê Dilopê du sal li dû xwe hiştin.
Kovara Dilopa ku du mehan carek bi kurdî û tirkî weşanê dike di vê hejmarê de dosyaya xwe li ser nivîskar Firat Cewerî amade kiriye û bi sernavê "40 sal, 40 pirtûk" pêşkêşî xwendevanên xwe kiriye.
Di dosyayê de Celîlê Celîl, Ahmet Umît, Ferhad Pîrbal, Ayşegul Tozeren, Abdulla Peşêw, Berken Bereh, Îrem Uzunhasanoglu, Konê Reş, Musa Bêjevan, Şahîn Bekir Soreklî, Nalan Çelîk bi nivîsên xwe cih girtine.
Celîl Celîl nivîskar Cewerî wekî "Firat Cewerê toximê saxlem e li ser erdekî saxlem şîn bûye" bi nav kiriye. Pîrbal ji bo wî gotiye, "Firat Cewerî xeleka navbera du nifşan e" û Berken Bereh jî bi van gotinan ew aniye ziman: "Berhemên Firat Cewerî xewn û xeyalên netewa me ye".
Stranbêj Silo Qic ê şahidê komkujiya Dêrsimê çendek berê wefat kir. Cemaş Taş bi kirmanckî, Kemal Kahraman bi tirkî li ser Silo Qic nivîs nivîsiye.
Mesut Alp li ser têkbirina Heskîfê bi sernavê "Heskîf; Dîroka Bendavê û Hilweşîn" nivîsa xwe pêşkêş kiriye.
Dilopê di hejmara rezber-kewçêrê de ligel Celilî Celîl hevpeyvînek bi kurdî weşandibû, li ser daxwazê Reşo Ronahî ew wergerandiye tirkî û di vê hejmarê weşandine.
Ber bi rûpelên dawî yên kovarê du nivîsên girîng li ser cihên dîrokÎ yên kurdan hene. Ji van Mehmet Oncu bi kurdî bi sernavê "Li pêjgeha Komageneyê çi dipijiya?" xwendevan birine Qraliyeta Komagene ku li Semsûrê bû. Sezaî Sarioglu jî bi tirkî li ser MêrdÎnê nivîsandiye.
Bi nivîsên xwe Bariş Avşar, Ehmed Ronîar, Evîn Şikakî, Muslum Uzulmez, Vedat İlbey, Zeynep Aslan, Bulent Gedîk, Alî Sînemîllî, Akman Gedîk, Miradê Miradan, Îlhan Ulusoy, Elîf Eser, bi helbestên xwe jî Mahsun Çakmak, Firak Keklîk, Bertolt Brecht (bi wergera Reşo Ronahî), Adonîs (Bi wergera A.Rahman Kaynar) di vê hejmarê de cih girtine.
Ji bo têkilî û xwestinê:
dilopdergisi@gmail.com
0543 488 69 96