Diyarname

Weşanên Morî ji bo zarokan setek din a pirtûkên zarokan weşand. Pirtûk ji aliyê nivîskar Newaf Mîro ve hatine nivîsandin. Navê setê "Hitokê û Papûşko" ye û ji 5 pirtûkan pêk tê.
"Gula Gulberoj", "Bexçeyê Zarokan", "Dîno", "Dîlan" û "Nexweşî" navê her pirtûkek e. Nivîskar Newaf Mîro bi navê "Hitokê" keçikek wekî leheng hilbijartiye û ew bi pêlîstoka xwe Papûşko re diaxive.

Li ser amadekirina pirtûkan nivîskar Newaf Mîro ji bo malpera me wisa got: "Hitokê keçeke bi pêlîstoka xwe Papûşko re diaxife. Bingeha hizr keça min e, û Papûşko jî ez im. Ji ber ku dema min zehf kêm e ji bo wê, ew jî pêlîstoka xwe dike şûna min. Pê re jî hevxem û hevalê wê. Tim xewna min bû ku ez karibim rojekê diyariyekê bidim zarokan û helbet bi zimanê me. Ez gelek şa me û peyamên zehf kêfa min tînin digirim. Hitokê û Papûşko xewn, çîrok û rastiyeke bi dawî nebûye. Min tim dixwest qehremanekî bi xewn û şahiya zarokan biafirînim."

Di warê çapkirina pirtûkan de Weqfa Êzidî-Alman alîkarî kiriye, mesrefê xêzê û afirandina wê daye. Di amadekirina pirtûkê de nêrîn û çavdêriya pedagogan jî hatiye girtin. Mîro, di dawiyê de wisa dibêje: "Divê em ji bîr nekin, mezinê sibê di dilê biçûkekî îro de ye."

Seta yekem a "Hitokê û Papûşko" di sala 2017'an de hatibû weşandin. Niha Weşanên Morî seta çîrokên nû yên vê rêzeyê dîsa bi pênûsa Newaf Mîro pêşkêşî zarokên kurd kirin. Her pirtûtek vê setê ji 12 rûpelan pêk tê û çîrok ji bo zarokên temen di navbera 3-6 salî de ne.

Sete yekemîn a "Hitokê û Papûşko" di sala 2017'an de dîsa ji Weşanên Morî hatibû weşandibû ku wê çaxê jî set ji pênc pirtûkan pêk dihat. Di wê seta yekem a "Hitokê û Papûşko" de ev pirtûk hebûn: "Çêlek û Şîr", "Duçerxe", "Pisîk", "Serşûştin", "Dara Noel Baba".

Ji bo têkilî û xwestinê:

whatsapp: 0505 9937283

morizarok.com

*** 

  
Ji bo vexwendnameyan malpera ku hûn serî lê bidin: http://www.davetiyeonline.net/
Bi sedan cureyên vexwendnameyan li benda we ne. 
Bi her zimanî em dikarin ji bo we vexwendnameyan amade bikin.
Navnîşan:

Yıldıztabya Alibeyköy Cad.No: 156, Alibeyköy Eyüp-İstanbul
Telefon: 0212 -6266455
WhatsApp: 0533 474 2551

info@davetiyeonline.net