Enqere
Di çarçoveya 24'emîn salvegera vekirina ÎHD'ê de Akademiya Mafên Mirovan vebû. Serokê Akademiya Mafên Mirovan Husnu Ondul, diyar kir ku akademî ji bo parastina mafên mirovan vekirine.

Li Navenda Giştî ya ÎHD'ê, di çarçoveya 24'emîn salvegera damezirandina ÎHD'ê de vekirina Akademiya Mafên Mirovan pêk hat. Serokê Şaxa Egîtîm-Sen'ê Zubeyde Kiliç, Sekreterê Giştî yê TÎHV'ê Metîn Bakkalci, nivîskar û lêkolîner Îsmaîl Beşîkçî, Serokê Damezrîna ÎHD'ê Nevzat Helvaci, Serokê Giştî yê ÎHD'ê yê berê û Serokê Akademiya Mafên Mirovan Husnu Ondul, Serokê Giştî yê ÎHD'ê Ozturk Turkdogan û gelek nûnerên saziyan beşdarî vekirina akademiyê bûn. Piştî vekirina Akademiyê, Serokê Giştî yê ÎHD'ê Ozturk Turkdogan, diyar ku îro rojek bi wateye û wiha axivî: "Îro 24'emîn salvegera damezirandina ÎHD'ê û 20'emîn salvegera damezrandina TÎHV'ye. Îro me Akademiya Mafên Mirovan jî vekir. Em difikirin ku dê Akademî alîkariyekê bide parastina mafên mirovan." Ozturk, di daxuşayina têkildarî 24'emîn salvegera damezirandina ÎHD'ê de jî, diyar kir ku 24 salin daxwaza makeqanûnek demokratîk diparêze.

Serokê Akademiya Mafên Mirovan Husnu Ondul jî, bi bîr xist ku di civîna di 2008'an de li Amedê li dar xistin de biryara avakirina akademiyê dane û wiha got: "Ew roj hat û îro me akademiya xwe vekir. Bi xebatên akademiyê ve em dê xebatên xwe bihêztir bikin. ÎHD, di pratîkê de tevgerek bi hêz e. Em dê pratîk û teoriyê bigîhînin hev. Em dê rêveberên xwe perwerde bikin. Akademî dê pêşiya me veke. Me akademî ji bo parastina mafên mirovan vekir."