Piştî Şaredarê Rizê yê AKP'î Halîl Bakirci bi daxuyaniyekê heqaret li jinan û kurdan kir li herêmê jinan bertekên hişk nîşan dan. Jinan li Amed, Şirnex, û Rihayê xwestin Bakirci ji peywirdariyê bêgirtin û ceza kirin.
AMED
Meclîsa Jinan a Bajar a Amedê, têkildar daxuyaniya Şaredarê Rizê yê AKP'î Halîl Bakirci ya heqaret li jinan û kurdan kir li Salona Civînê ya Sumerparqê daxuyanî da çapemeniyê.
Gelek endam û nûnerên saziyên jinan amade bûn.
Li ser navê Meclisa Jinan Xebatkara DÎKASUM'ê Hulya Degîrmencî daxuyanî xwed. Degîrmencî, diyar kir ku daxuyaniya Bakirci di serî de li hemberî jinên kurd û hemû jinan daxuyaniyekî nîjadî û zayendî ye.
Degîrmencî got ku cudakarî, nijadî û zayendî sûcê mirovahiyê ye û wiha got: "Bakirci, dikare bibe aktîvistekî kampanya jinên kurd û ciwanên kurd ên li dijî fihûş û tecawizê ya bi navê Civakeke azad û demokratîk bi afirinin û çanda tecawizê ji holê rakin. Ger xizimtiya we bi Alîkarê Midûrê li Sêrtê tecawizî zarokan kir re tunebûya we wisa nedigot. Xizimtiya wa ya bi cerdevanên li Gêlê tecawîzî zaroka 12 salî kir re tunebûya we ev tişt nedigot. Xizimtiya we bi serokê naveya Pulurê yê hewilda ku tecawîz li zarokan kir hûn nediketin nava van hewldanan."
RIHA
Platforma Jinan a Rihayê jî têkildarî mijarê li Şaxa SES'ê ya Rihayê bi daxuyaniyê Şaredarê AKP'ê yê Rîzeyê şermezar kir.
Li ser navê Platformê Sekretera Hiqûq û Jinan a SES'ê Zelîha Açikyildiz, diyar kir ku gotina Şaredarê AKP'i gotinek nîjadperest û paşverû ye û xwest lêborîna xwe ji jinan û gelê kurd bixwaze. Açikyildiz, xwest Wezîrê Karên Hundir Şaredar ji peyvirê bigre.
'Bi vê daxuyaniyê li henû jinên Tirkiyeyê neheqî hatiye kirin'
Şaxa MAZLUMDER'ê ya Rihayê jî li avahiya komeleyê daxuyanî da. Seroka MAZLUMDER'ê Meral Dervîşoglu, diyar kir ku Şaredar Bakirci bi vê daxuyaniyê neheqî li hemû jinên Tirkiyeyê kiriye. Dervîşoglu, anî ziman ku ev yek nayê qebûl kirin û xwest peyvira wî bi dawî bibe.
WÊRANŞAR
Li Navçeya Wêranşarê ya Rihayê jî, endamên DOKH'ê, têkildarî mijarê li avahiya Rêxistina BDP'ê ya Wêranşarê daxuyaniyek dan çapameniyê. Di daxuyaniya ku gelek jin beşdarbûnê de li aktîvîsta DOKH'ê Suna Ulugturken diyar kir ku daxuyaniya Bakirci şermezar dikin û xwest Bakirci îstîfa bike. Ulugturken, destnîşan kir ku ne tenê jinên kurd lazim e jinên tirk jî vê rewşê wekî heqaretekê binirxînin. Ulugturken, da zanîn ku bi vê nêzîkatiyê hişmendiya AKP'ê derketiye holê û da zanîn ku dê heta dawiyê li hemberî vê hişmendiyê têbikoşin.
ŞIRNEX
Şaredarê Şirnexê Ramazan Uysal jî, li meqama xwe civînek pêk anî û nerazîbûn nîşanî Şaredarê Rîzeyê Halîl Bakirci da û wiha got: "Şaredarê Rîzeyê dibêje ku li rojava jiyana metresiyê heye û li cihê vê yekê pêşniyar dike ku ji rojlihat jinên duyemîn bînin. Em wekî şaredar û hilbijartiyên li herêmê vê hişmendiyê şermezar dikin. Em li hemebrî vê heqaretê banga histiyariyê hemberî vê heqareta li gelê kurd û jinên kud bûye li saziyên sivîl dikin ku nerazîbûnên xwe nîşan bidin. Bi van gotinên qirêj pirsgirêka welat nayê çareserkirin."
Ji DÎHA'yê hatiye girtin
**
Nûçeya eleqedar:
-Kişanak: Eger AKP tiştekê li vî zilamî neke emê di heqê wî de bên!