Diyarname

Serokê Rêxistina Tenduristî ya Dinyayê (WHO) Tedros Adhanom Ghebreyesus li ser vîrusa koronayê bang li welatên ku dixwazin zû biryarên qedexeya derketina derve rakin kir û got: Zû gav neavêjin.

Li gor nûçeya BBC Beşa tirkî Ghebreyesu gotiye ku tenê derzî dikare vê vîrusa ku li dinyayê belav bûye bide sekinandin. Ji bo vê yekê jî wî hişyarî daye hikumetan.

Serokomarê Fransayê Macron duh ragihandibû ku serê gulanê dê hin sistkirin çêbibin. Hikumeta Spanyayê biryar dabû ku niha dest bi hin biryara dikin ku rewşê sist bikin.

Îtalyayê jî biryar daye ku ji sibê de hin kompanî dest bi xebatên xwe bikin. Hişyariya Serokê WHO'yê jî piştî van biryaran hat.