Diyarname

38’emîn Festîvala Fîlman a Stenbolê bi coş derbas bû û ji bo salek din xatir xwest. Bi giştî îsal 110 hezar kes çûn li fîlman temaşe kirin.

Festîvala Fîlman a Navneteweyî ya Stenbolê ku ji aliyê ÎKSV (Weqfa Çand Hunerê ya Stenbolê) ve tê organîzekirin îsal di navbera 5-16’ê mehê de li dar ket. Di 13 rojan de li 8 salonên sînemayê, di 469 seansan de fîlm hatin nîşandayîn. Ji 45 welatan 175 fîlmên metrajdirêj, 11 kurtefîlm hatin nîşandayîn. Ji bilî nîşandayîna fîlman 6 sohbetên festîvalê, bîranînek, konserek taybet a festîvalê, pêşangehek û gelek çalakiyên din li dar ket.

Di dema nîşandayîna fîlman de di 89 fîlman de amadekar û derhênerên fîlman jî amade bûn û piştî nîşandayînê gotûbêj li dar xistin.

Ji ber eleqeyê hin fîlm di seansên zêdek de bi taybetî hatin nîşandayîn. Di temamê festîvalê de 110 hezar sînemahez çûn salonan û li fîlman temaşe kirin.

Di merasima dawî ya festîvalê de berhem û kesên bi ser ketin xelatên xwe girtin. Di 52 kategoriyan de pêşbazî hebû. Xelata Laleya Zêrîn a Navneteweyî fîlmê "Bolsae / House of Hummingbird" (Derhêner Bora Kim) girt.  Xelata Taybet a Juriyê jî dan “Talking About Trees” (Derhêner Suhaib Gasmelbari). Di beşa Laleya Zêrîn a Neteweyî de “Kiz Kardeşler” (Derhêner Emin Alper) bi ser ket.

39’emîn Festîvala Fîlman a Stenbolê dê meha avrêla 2020’an de li dar bikeve.

*** 

Nûçeyên Eleqedar:

- Di Festîvala Fîlman a Stenbolê de "Kiz Kardeşler" bi ser ket 

- Li Stenbolê dem dema fîlman e, festîvalê dest pê kir 

- Di festîvalê de belgefîlmên ji Tirkiyeyê 

- Fîlmên 'Di sînemayê de pêşbaziya mafên mirovan' 

- Şahiya fîlman tê: Bernameya Festîvala Fîlman a Stenbolê hat eşkere kirin

- Xelatgirên Berlînê tên Stenbolê

- '10 Jin' bi awayê restorekirî tê nîşandayîn 

- Umît Unal bû serokê juriyê 

- Fîlmên Kubrick li Stenbolê dê bêne nîşandayîn 

- Festîvala Stenbolê Xelatgirên Sînemayê eşkere kirin 

- Serîlêdanên ji bo Festîvala Stenbolê dest pê kirin