Diyarname
Derhênerê navdar Stanley Kubrick wekî “Sînemagerên sînemageran” tê hesibandin. Ew 20 sal berê mir û niha di vê 20 saliyê Festîvala Fîlman a Stenbolê bi nîşandayîna fîlmên wî wî bibîr tîne.
38’emîn Festîvala Fîlman a Navneteweyî ya Stenbolê îsal di navbera 5-16’ê avrêlê de li dar dikeve. Festîvalê ji bo derhêner Stanley Kubrick beşek taybet veqetandiye. Di vê 20’emîn salvegera mirina wî dê 13 fîlmên wî yên metrajdirêj bêne nîşandayîn. Hezkiriyên Kubrick di ekrana mezin de dê carek din xwe bigihînin fîlmên wî, ciwanên ku jê hay tune ne jî dê wî nas bikin.
Beşa taybet di bin navê “Fabrîkeya Şaheser: Kubrick” dê fîlmên wê bêne nîşandayîn. Di nav bernameyê de ev fîlmên wî hene:
- Eyes Wide Shut / Çav bi temamî girtî (1999)
- Full Metal Jacket (1987)
- The Shining / Cinnet (1980)
- Barry Lyndon (1975)
- A Clockwork Orange / Porteqala Otomatîk (1971)
- 2001: A Space Odyssey / 2001: Uzay Macerası (1968)
- Dr. Strangelove or: How I Learned to Stop Worrying and Love the Bomb / Dr. Garipaşk (1964)
- Lolita (1962)
- Spartacus (1960)
- Paths of Glory / Rêyên Serketinê (1957)
- The Killing / Kuştin (1956)
- Killer's Kiss / Ramûsana Kujer (1955)
- Fear and Desire (1953)
Derhênerê navdar Stanley Kubrick di sala 1928’an de li New Yorka DYA’yê hatiye dinê. Di 13 saliya xwe de bi awayekî amator fotograf kişandiye û di 17 saliya xwe di kovara Look de dest bi kar kir. Wî piştî sê belgefîlman di sala 1953’yan de bi navê “Fear and Desire” fîlmên xwe kişand.
Di sala 1962’yan de pergala starî û zordariya Hollywoodê qebûl nekir û ji DYA’yê çû Îngilistanê. Ji wê roje de êdî li wir jiya û li fîlmên xwe li wir kişandin.Wî di sala 1999’an de herî dawî “Çav bi temamî girtî” kişand û piştî xilasbûna fîlm qeyrana dil derbas kir û mir.
**
Nûçeya Eleqeodar:
- Festîvala Stenbolê Xelatgirên Sînemayê eşkere kirin
- Serîlêdanên ji bo Festîvala Stenbolê dest pê kirin
***
REKLAM:
Ji bo bilêtên balafiran hûn dikarin serî li vir bidin...