Diyarname
Duh mebûsê CHP'ê Enis Berberoglu hat girtin û li ser vê yekê Serokê CHP'ê Kemal Kiliçdaroglu bi daxwaza "Em edaletê dixwazin" û ji bo serbestberdana Berberoglu ji Enqereyê heta Stenbolê meşek da dest pê kirin. Kiliçdaroglu îro dest bi meşa xwe kir û deh kîlomtre meşiya. Bi vî awayî di nava 3 hefteyan de dê Kiliçdaroglu bigihîje Stenbole.
Kesên wekî Serokê MHP'ê Devlet Bahçelî meş rexne kir. Yên piştgirî dan meşê û daxwazên din jî kirin hebûn. Yek ji wan jî nivîskarê îlahiyatparêz Îhsan Elîaçik e. Elîaçik ji ser twettera re wisa got: "Meşa edaletê ya Kiliçdaroglu gavek xweş e... Lê çima heta cem mebûsê CHP'ê yê li Maltepeyê girtî? Divê heta Edîrneyê, heta cem Hevserokê HDP'ê Selahattin Demîrtaş here."
Her wiha Elîaçik got, "Edalet dema ji bo her kesî bê xwendin edelat e."

Wekî notek: Yekem car mebûsekî CHP'ê tê tewqîfkirin. Niha hevserok jî di nav de 12 mebûsên HDP'ê girtî ne. Dema di meclisê de biryara destnedana mebûsan dihat rakirin, Serokê CHP'ê Kiliçdarolgu wisa gotibû, "Ev zagon ligel ku dijî Zagona Bingehîn e jî em dê bêjin erê û piştgirî bidin. " Piştî vê yekê zagon guherî û mebûs hatin girtin. Piştî HDP'yiyan wisa diyar e niha dor hatiye CHP'yiyan.