Diyarname
Yek ji rojnameyên naskirî yê Misrê “Elmisrî Elyawm” e. Di vê rojnameyê de nivîskarê rojnameyê Mhmd Elkafrawy di quncikê xwe de pirtûkên nû derdikevin dide nasîn. Roja 11’ê vê mehê wî li ser pirtûka Helîm Yûsiv “Wehşê Di hundirê Min De” nivîsî. Nivîsa wî me wergerand:
“Di romana xwe ya nû de “Wehşê di hundirê min de” ku ji nav Weşanên Sefsafa derketiye, romanivîsê kurd Helîm Yûsiv zêdeyî demnisyonekê-astekê ji dema romanê re pêşkêş dike. Ji bilî vebêjiya herikbar, axaftina bilez ya di nav realîte û efsûneyê de diçe û tê. Ew dixwaze realîteyê bi awayekî efsûnî pêşkêş bike yan jî dixwaze ku efsûneyê li şûna jiyana rojane bi cih bike.
Ev roman bi her awayî bi navê "romana kurdî" hatiye mohrkirin.
Ev roman cîhanên nû ji me re pêşkêş dike, behsa devereke jibîrbûyî û dûr dike, wisa jî behsa wehşekî mijokî dike, mirov ne piştraste ku ev wehş ji derveyî mirov e. Di beşekî ji romanê de nivîskar wiha dinîvisîne: “Di kolaneke dirêj ji bajarokekî biçûçik de sê mêrên wekî hev, heman kincan lixwe dikin, heman çekan di dest xwe de hildigirin. Ji çûn û hatina wan xuya ye ku ew di kelecaneke bê sînor de ne û ji paş wan ve ewte ewt bilind dibe.”
Hemû elementên rastî û xeyalê di vê romanê de tevlihev dibin. Rêbaz nêzîkî rêbaza realîzma efsûnî ye, lê bi şêweyeke taybet û xwe dispêre mîratgirî û şaristaniyeke cihê. Lê di heman demê de xwe dispêre realîteya siyasî ya ku kurd li dewletên erebî tê de dijîn. Wisa jî xwe dispêre zor û zilma hikumet û desthilatdariya li ser wan.
Nivîskar di vê romana xwe de tevneke girîng ji seqa ya derûnî, siyasî, civakî û çandî ji jiyana kurdan dirêse. Ev jiyana ku dibe demekê ji deman li Sûriyê, beşek ji serpêhatiya wî bi xwe be.”