Diyarname

Komîneya Nobelê Xelata Nobelê ya Aştiyê ya 2018'an dide du kesan: Parêzvana mafên mirovan keçika êzîdî Nadia Mûrad û ji Komara Kongo ya Demokratîk jî Denis Mukwege. Her du jî ji ber xebatên xwe hêjayî xelatê hatin dîtin.

Komîteyê sedema dayîna xelatê ji bo her du kesan wisa got: "Di dema pevçûnên çekdarî de şîdeta cinsî wekî amûrek hatiye bikaranîn, wan kesan ji bo ev yek bi dawî bibe xebat kirine."

Keçika êzîdî Nadia Mûrad wekî 3 hezar keçikên din ên êzîdî ji aliyê çeteyên DAIŞ'ê ve di sala 2014'an hatibû revandin û rastî şîdetê hatibûn. Mûrad ligel hin keçikên din hatin rizgarkirin lê tê gotin ku hê jî di destê çeteyan de keçikên êzîdî hene.

Mûrad piştî rizgar bûbû li Neteweyên Yekbûyî (NY) tiştên hatibûn serê wê anîbû ziman. 

Mûrad ji bo rizgarkirina keçikên din li NY'yê wekî qasida niyetbaş kar dike.

Nadia Mûrad niha li Almanyayê dijî.