Diyarname
Tora medyayê Rûdaw her roj bi dehan nûçeyan diweşîne û li gor xwe xizmeta kurdî dike. Her çiqas aliyê wê yê siyasî û alîgiriya wî ya siyaset hebe jî em wê aliyê didin aliyek û aliyê wan ê weşandina nûçeyên bi kurdî derdixin pêş. Rûdaw di salvegera wefata kesên girîng ê civaka kurd de jî nûçeyan li ser wan çêdike. Rûdawê îro jî wisa kir û di 67'emîn salvegera wefata Mîr Celadet Elî Bedirxan de nûçeyek li ser wî çêkir û di malpera xwe de weşand. Her çiqas di nûçeyê de agahiyên nû nîn bin jî tiştek muhîm bû ku Rûdawê nûçeyek wisa amade kir û weşand. Lê wisa tiştek kir ku dîroka kurdan guherand: Di nûçeyê de ji dêvla wêneyê Celadet Elî Bedirxan wêneyê Mîqdad Bedirxan wekî ku wêneyê Celadet Bedirxan bû weşand û binê wêneyê de jî nivîsî "Mîr Celadet Alî Bedirxan". Wisa nekira baş bû, lê ji ber ku em dizanin xeta weşanê ya Rûdawê geh virde, geh wirde ye em vê wekî tiştek normal dibînin.
Ha, Celadet Elî Bedirxan kesek nenaskirî ba, me yê bigota xwe şaş kirine, lê êdî zarokên biçûk jî Celadet Elî Bedirxan baş nas dikin û wêneyên wî dinasin. Rûdaw çawa nas nake, em şaş bûn loma me ev nûçe weşand.