Diyarname
Ji bo derbasbûna çarîk fînalê îro du maçên Dora 16'an hatin lîstin. Di maça yekemîn de favarî Brezîlya reqîbê xwe Meksîka bi 2 golan têk bir. Di deqîqeya 51'ê de Neymar, di deqîqeya 88'an de Firmino gol avêt û tîmê xwe derbasî çarîk fînalê kir.

Japonan firsend ji dest da
Maça din ji vê balkêştir, bi surprîztir bû. Japonya ku bi fair-play* derbasî Dora 16'an bûbû îro ligel  reqîbê xwe Belçîkayê lîst. Maçek balkêş bû. Di maça ku her kesî Belçîka favorî nîşan dide da nîveka yekemîn bê gol, bêhes û hawar derbas bû. Di nîveka duyemîn de Japonyayê bi golê dest bi maçê kir: Di deqîqeya 48'an de Haraguchi gol avêt û tîma xwe 1-0 derxist pêş. Piştî vê bi 4 deqeyên din vê carê Inui derket ser dikê û encam anî 2-0'ê. Japon hinek rehet bûbûn lê teknolojiya wan bi têra serketinê nekir: Belçîkayê di deqîqeya 69'an de bi Vertonghen bersiv da û di deqîqeya 74'an de bi Fellaini encama wekheviyê saz kir. Tam di kêliya ku maç xilas dibû, êdî dê derbasî dema zêdek biba, dideqîqeya 90+4 de japonan korner bikar anî, qeleparêzê belçîkî Courtois bi dest gog da hevalekî xwe û bilez ataka Belçîkayê des pê kir, encam: Gol! Belê di vê saniyeyê dawî de Chadli li ser navê tîma xwe gol avêt û hemû japop ligel teknolojiya wan a serketî têk bir. Lê dikare ev jî bê gotin: Maç ne heqê Belçîkayê bû lê edalet li her derê nîn e.

***

Ji bo agahiyên berfirehtir fermo rûpela me ya taybet:

- RÛPELA TAYBET A KÛPAYA CÎHANÊ 2018