Diyarname
Serokê FIFA'yê Infantîno îdîa kir ku ev organîzasyona herî serketî ye. Di vê navberê de hakêmên maça fînalê û ya sêyemînî diyar bûn.

'Rusya 2018 ya herî serketî ye'
Serokê Giştî yê FIFA'yê  Gianni Infantino got ku ji aliyê qelîteya fûtbolê û organîzasyonê ve Kûpaya Cîhanê Rusya 2018 ji roja berê heta îro Kûpaya Cîhanê ya herî serketî ye.
Gianni Infantino wisa got: "Ev çend sal in min digot dê ev Kûpaya Cîhanê bibe ya herî baş. Îro bi serbilindî dikarim bibêjin ku ev di dîroka Kûpaya Cîhanê de ya herî serketî ye. Ez ji dil sipasiya gelê rus dikim. Sipasiya hikumeta Rusyayê, serokdewlet Putin û sipasiya her kesê hatiye vir dişopîne dikim. Kûpaya Cîhanê kir ku nêrîna li hemberî Rusyayê biguhere. Ez bawerim her kesê ev demek e li vir e welatek xweş kifş kiriye."

Hakêmê arjantînî bi rê ve dibe
Maça fînalê 15'ê mehê saet 18'an de li Stada Luzhniki ya li Moskovayê di navbera Fransa û Hirvatistanê de tê lîstin. Biryar hat girtin ku hakêmê arjantînî Nestor Pitana maçê bi rê ve bibe. Hernan Maidana û Juan Pablo Belatti jî dê alîkariya Pitana bikin.
Her wiha maça sêyemînî jî roja 14'ê mehê saet 17'an de di navbera Belçîka û Îngilistanê de tê lîstin û hakêmê îranî  Alireza Faghani dê maçê bi rê ve bibe.