Diyarname
Li gor rapora UNICEF'ê li Başûrê Asyayê di du salan de 100 mîlyon birçî zêde bûne û hejmara birçiyan gihîştiye 400 mîlyonî.

UNICEF'ê (Fona Zarokan a Neteweyên Yekbûyî) li paytexta Hindistanê li Delhiya Nû raporeke bi navê "Li Başûrê Asyayê Bandora Qeyrana Aboriyê ya Jin û Zarokan" weşand.

Rapor li ser mîlyar û 600 hezar kesên ku li Hindistan, Nepal, Srî Lanka, Bangladeş, Giravên Maldîv, Butan, Pakistan û Afganistanê dijî disekine.

Li gor raporê qeyrana aboriyê di du salên dawî de bandoreke gelek xirab li van 8 welatan kiriye û hejmara kesên birçî ji 300 mîlyonî derketiye 400 mîlyonî.

Berpirsê Asyaya Başûr yê UNICEF'ê Daniel Toole ku ev rapor pêşkêşî çapemeniyê kir da zanîn ku herî zêde jin û zarokan tesîr ji vê qeyranê girtiye.

Wekî notek: Li gor daneyên Bankeya Cîhanê li Asyaya Başûr mîlyarek û 18 mîlyon kes rojane bi du dolarî kêmtir pereyî dijîn.  Tenê 455-620 mîlyon kesên li Hindistanê (serjimariya Hindistanê 1.17 mîlyar e) rojane bi 1,25-1,35 dolarî dijîn.