Aldar Xelîl

Axaftina li ser çareseriya li Sûriyeyê di ev rewşa bûyerên ku diqewimin de bi tu şêweyî nabe, hemî nîşanên xuya dibin neynika helwestan û kûrbûna aloziyê bi xwe ne, ji bilî vê hinek naxwazin çareserî çêbibe ji ber bi tevlîhevî û destwerdanê berjewendî û daxwazên bidest dixin, bê vê nikarin tiştekî bidest bixin wekî azadiya Rûsya ji zextên Ûkraniya ya ji bo xazê ya di encama lihevkirina di ser Efrîn û Xutayê re Tirkiye bi Ûkraniya hat guhertin piştî ku gelek dosya tevlî hev kirin bi taybetî jî babeta firotina çekên Rûsya ji bo Tirkiyê û yên mîna wê.

Cenevre rawestgeheke girîng e û em bi çareseriya li Cenevre bibe bawer in, em li xalên lihevkirina ber bi Cenevre ve û nêzîkatiya dîtinan ji hev re digerin wekî serdana me ya vê dawiyê ji bo Misrê.

Em li ser çareseriyê û derfetê karê ji bo çareseriyê û lihevnêzîkbûna dîtin û helwestan ber bi garantiya çereseriyê ku di xizmeta gelên Sûriyeyê de be û Cenevre bibe bingeha çareseriyê. Girêdana me bi van pîvanan ve cidiyeta helwesta me ya Rojavayê Kurdistan e û girêdana me ya çareseriyê ye. Lê çareseriya ku destkeftiyên gelê me û rakirina rola me û mafên ku bi salan bi dest xistine bêbandor bike, em qebûl nakin; bi teybetî jî yên ku me ji şerê li dijî DAIŞ’ê bi dest xistine. Niha pevçûn li Sûriyeyê heye û ev pevçûn dijberî û nakokiyan diafirîne û her wiha jî metirsiyê li ser aramiyê çêdike, piştguhkirina çereseriya Cenevre metirsiye û rewşê hîn bêhtir aloz dike, bêguman wê ev ne di sûda gelê Sûriyeyê de be.

Em li Rojava ji destpêkê ve dizanin ku şer wê êşên mezin bi xwe re bîne, ji ber vê me da ser xeta ku pevçûnan neke armanc. Ev xwendina me ya ji encamên negatîf yên ji şer hatine girtin. Niha hemû karê me piştrast dike ku em hilgirê xeta demokratîk in û me gelek hewldan ji bo pêşketina çareseriyê di hindurê projeyên demokratîk de dane, meclisa Sûriya demokratîk bi xwe projeya çareseriya ku sedemên aloziya Sûriyeyê  derman dike û çareseriya mimkûn dide pêş; pê re jî ew dibe projeya danûstindina di nav de jî gavê girîng hene û pêşiya lihevkirinan vedike û çareseriyê piştrast dike.

Yên danûstandinê nepejirîne ew rasterast dibe alîkar ku rewş tevlihev bibe û rewş hîn bêhtir aloz bibe û ber bi rêyên metirsiyane ve here. Hinek her timî dipirsin ku hûn li Rojava ji danûstandinê re amede ne? Bersiva me zelal e di karê ku gelê me di heft salên derbas bûyî de li ser erdê kiriye xuyaye, her tişt dibêje ku em danûstandin û çareseriyê dixwazin û ber bi rêxistinkirineke civakî ve ya li gora xwendina pêvajoyê û pêşxistina dezgehên stratejîk ve here, tevger kirina li gora paşeroja Sûriye û gelê wê ya bêcudahî ye, xwedîderketina li projeya neteweya demokratîk xetên pehin ên armancên me ne û hewildanên me ji bo danûstandin û çareseriyê ye. Pêwîst e yên ku qala danûnstandinê dikin û ji hêza çalak ya bi danûstandinê bawer in û her wiha jî gelê me jî vê dixwaze,  pêwîst e bizanibe kî danûstandinan asteng dike. Îro Rojava bi xwe bingeha aramiya Sûriye û Heremê ye, yên gavan ber bi danûstandin û çareseriyê ve bavêje wê gelê me li wir amede û bendeman bibîne. Em tu carî nebûne asteng, berevajî ew ên dixwazin me bêrol bikin, baweriya me bi danûstandinan şîrove dike bê çiqasî piroje û biryara me û pêşketin li ba me heye.

Hewildanên me aktîfkirina Cenevre ye û em pê bawer in ku qonaxa çareseriyê ye. Em naxwazin ku kongreyên şiklî hebin û vîna gelê Sûriyeyê ne amede be û danûstandinên tê de di navbera dewletên li ser axa  Sûriye dibe û dûrî nûnertiya gelê Sûriye ya rasteqîn be. Rojava amede ye ji bo her nêzîkatiya di navbera dîtinan de û lidarxistina kongreyekê ji bo danûstandin û lihevkirina di navbera hêzên rikberiya niştimanî de û gavên ber bi çareseriyê ve jiyîna xetên çareseriyê û danûstandinên saxlem, em hilgirên pirojeya demokratîk in û girêdayî hewldanên çareseriyê ne, em pê bawerin û jê nayên xwarê heta pêkanîna demokrasî, aramî û aştiyê.

09.06.2018, E-rojname