Diyarname
23'yemîn Festîvala Fîlmên Jinan a Navneteweyî Uçan Supurge îsal di navbera 7-14'ê gulanê de bi ser înternetê re wekî online li dar dikeve. Di festîvalê de Xelata Bilge Olgaç a Serketinê û Xelata Pîrheboka Ciwan ku dê bêne dayîn hatin eşkerekirin.
Bi ser zoomê re festîvalê daxuyanî da çapemeniyê. Seroka Rûmetê ya Festîvalê Turkan Şoray axivî û agahî dan.
Ji bo Xelata Bilge Olgaç a Serketinê navê derhêner Handan Îpekçî, Işil Ozgenturk û Sevîl Demîrcî, ji bo Xelata Pîrheboka Ciwan jî navê Cemre Ebuzziya eşkere kirin. Her wiha ji bo Xelatên Rûmetê jî navên Nebahat Çehre û Şahida Tekand eşkere kirin.
Ji 31 welatan 76 fîlm dê bêne nîşandayîn. Di nav hilbijêra parzemîna Afrîkayê de 12 fîlm, di nav hilbijêra Îrlandayê de jî 8 fîlm hene. Ji bilî van fîlmên metrajdirêj, kurtefîlm û belgefîlm dê bêne nîşandayîn.
Bernameya festîvalê û lîsteya fîlman ji ser malpera Weqfa Uçan Supurge re dikare bê şopandin. Li gorî agahiyê, rêzeya bernameyê bi vî rengî ye:
2-6 Gulan: Hefteya ber bi festîvalê ve
2-3 Gulan: Taybet ji bo zarokan
4-5-6 Gulan: Atolye û Çalakiyên ber bi festîvalê ve
7-14 Gulan: Hefteya Festîvalê (Nîşandayîna fîlman û gotûbêja ligel derhêneran)