Diyarname
16'emîn Festîvala Şanoyê ya Stenbolê îsal di navbera 15 gulan û 4 pûşperê de li dar dikeve. Bernameya festîvalê hate eşkerekirin.

Ji bo pêşkêşkirina bernemaya 16'emîn Festîvala Şanoyê ya Navneteweyî ya Stenbolê ku ji aliyê ÎKSV (Weqfa Çand û Hunerê ya Stenbolê) ve tê li dar xistin li Şanogeya DOT'ê civîneke çapemeniyê hate li darxistin.
Di civînê de Dîrektora Festîvala Dîkmen Gurun, ji sponsoran ji AYGAZ'ê Ridvan Uçar û ji OPET'ê Yalçin Lokmanhekim axivîn. Gurun got "Hûn şanoyê ava dikin. Em hemû emê bi hev re şanoyê bigînin cihekê, gelek sipas" û got ku ewê pêkanîna tiştên baş bidomînin.

Îsal di festîvalê  6 şano û reqsên navneteweyî û ji Tirkiyeyê 25 lîstin, rews û performansên ku dê yekem car derkevin pêşberî temaşevanan, bi giştî li dor 70 çalakî dê li dar bikeve.

Festîvala Şanoyê îsal dê di 15'ê gulanê de bi merasimekê li Aya Îrînî dest pê bikeve û li cihên wekî Aya Îrini, Ataturk Kultur Merkezi (Salona Mezin, Sehneya Aziz Nesin),  Sehneya Haldun Taner, Kenter Tiyatrosu, Garajistanbul, Santralistanbul, Muammer Karaca Tiyatrosu, Sabanci Universitesi, Antrepo No. 3, Ses Tiyatrosu, Navenda Çanda Fransiz, Navenda Çanda Îtalyan, Bilsar, Galataperform, Muzeya Pera, Talimhane Tiyatrosu û li Tiyatro Z dê çalakî bêne pêşkêşkirin.

Ji festîvalê hin lîstik

Festîval ji 6 welatan şanogehan dike mêvanê xwe û welatên ku dê bibin mevanên festîvalê jî ev in: Almanya, Danimarka, Fransa, Hirvatistan, Îtalya û Litvanya.
Yek ji lîstika girîng a di festîvalê de "Însan Yaziyor/Mirov Dinivîsin (THE FORSYTHE COMPANY) e ku dê 23-24'ê gulanê bilîze. William Forsythe tevî profesorê Fakulteya Hiqûqê ya Zanîngeha Colubia Kendall Thomas nivîsîye û pêşkêşî 60'emîn Danezana Mafên Mirovan a Navneteweyî kiriye. "Însan Yaziyor" dê li Antrepo No 3 li dar bikeve ku têde 60 reqsvan dê bi komir û tozê bikin ku tîpên ji Danezana Mafên Mirovan binivîsin û hin jî dê li dijî wan derkein. Dê temaşevan jî bikaribin beşdarî ev reqsa balkêş bibin.

“Geyikler Lanetler (Xezal Lanet)” (ARCA AZZURRA THEATRE) jî dê 22'yê gulanê li dar bikeve. Lîstika Murathan Mungan ji aliyê şagoneta îtalyan ve hatiye amadekirin. Ji sê rêzeyên Mezopotamya ya dawî "Geyikler Lanetler" a Murathan Mungan ji aliyê Arca Azzura hatiye bi rê ve birin.

“X Daire” li Tarlabaşê dê bigere

Yek ji lîstikên balkêş jî  “X DAÎRE” ye.  Lîstivaka ku ji aliyê Goethe Institut û Pro Helvetia ve tê pêşkêşkirin, Sven Heier, Patrick Wymann û Dilek Altuntaş dê li Tarlabaşî bigerin, mekan û avahiyan bînin ba hev, li her cihên ku bisekinin dê lîstikvanek an hin lîstikvan bilîzin, berê xwe bidin mîmarî û qada bajarîbûnê. Lîstikva ku dê gelek lîstikvanên ji Tirkiye û yên biyanî beşdar bibin wisa dixuye ku dê balê bikişîne.

Sêvas ‘93

Di 60'emîn salvegera Danezana Mafên Mirovan de Festîvala Şanoya yê Stenbolê di beşa "Mafên Mirovan" de lîstik-belgefîlma Genco Erkal a bi navê "Sêwas '93" pêşkêş dike. Lîstik bûyera 1993'yan a li Sêwasê ku di Hotela Madimakê de rewşerbîr hatin şewitandin nîşan dide. Lîstika ku Genco Erkal bi xwe nivîsandiye û derhêneriya wê kiriye dê 20 û 21'ê gulanê bê lîstin.

Her wiha di festîvalê de li dor 25 lîstikên nû ku yekem car tên lîstin ên ji Tirkiyeyê jî hene. Her wiha "Hevdîtina nivîskaran" û "Xebatên atolyeyan" jî hin beşên din ên festîvalê ne.
Lîstikên ji Tirkiyeyê bi projeya Stenbol 2010 buhaya bilêtên wan bi buhaya 10 YTL têne firotin. Lîstikên din buhaya bilêtan di navbera 15-60 YTL'yê de ye. Dê di 12'yê avrêlê de dest bi firotina bilêtan bêne kirin.